Máskeý AQSh qorǵanys mınıstri Ch.Heıgldiń prezıdent B.Obamanyń tapsyrmasy boıynsha Sırııaǵa qarsy kez kelgen ýaqytta kúshtik aksııany júzege asyrýǵa amerıkalyq qarýly kúshterdiń daıyndyqqa keltirilýine aıtarlyqtaı nazar aýdaryp otyr. Reseı syrtqy ister mınıstrliginiń resmı ókili A.Lýkashevıchtiń málimdemesinde osylaı atap kórsetilgen.
RESEI BIRJAQTY ShEShIMGE QARSY
Máskeý AQSh qorǵanys mınıstri Ch.Heıgldiń prezıdent B.Obamanyń tapsyrmasy boıynsha Sırııaǵa qarsy kez kelgen ýaqytta kúshtik aksııany júzege asyrýǵa amerıkalyq qarýly kúshterdiń daıyndyqqa keltirilýine aıtarlyqtaı nazar aýdaryp otyr. Reseı syrtqy ister mınıstrliginiń resmı ókili A.Lýkashevıchtiń málimdemesinde osylaı atap kórsetilgen.
Osynyń bári Irakta jappaı qyryp-joıatyn qarý bar degen jeleýmen AQSh-tyń osydan on jyl buryn BUU-ny aınalyp ótip, avantıýraǵa barǵan oqıǵalaryn eske túsirýge májbúrleıdi, delingen atalǵan málimdemede. Kez kelgen BUU-dan tys birjaqty kúsh kórsetý is-áreketteri Sırııadaǵy daý-janjaldy saıası-dıplomatııalyq jolmen sheshýdi izdestirip jatqan halyqaralyq qoǵamdastyqtyń kúsh-jigerine nuqsan keltiredi, dep esepteıdi Reseı syrtqy ister mınıstrligi.
TARAQANDAR FERMADAN QAShYP KETTI
Bul oqıǵa Qytaıdyń shyǵysyndaǵy Szıansý provınsııasyndaǵy Dafen qalasynda oryn alǵan. Osynda shyǵys medısınasy úshin qoldaný maqsatynda ósirilip jatqan taraqandar fermadan qashyp ketken.
1,5 mıllıonǵa jýyq jándik parnıkte qamaýda turady eken. Belgisiz bir qylmysker onyń plastık qabyrǵalaryn syndyryp tastaǵan. Sonyń saldarynan em úshin qoldanylatyn taraqandar jan-jaqqa tarap ketken. Osyndaı erekshe fermanyń qojaıyny Van Penshen osydan birneshe aı buryn amerıkalyq taraqannyń 102 kg. jumyrtqasyn satyp alǵan. Sóıtip, jándikter ósip shyqqannan keıin olardyń ár kılogramyn 1000 ıýannan satpaq bolǵan eken. Aıta ketý kerek, dástúrli qytaı medısınasynda osy jándikterden alynǵan ekstrakt onkologııalyq aýrýlardy emdeýge, ımmýnıtetti kúsheıtýge paıdalanylady.
BRITANIIа FLOTY SOǴYSQA DAIYN
Ulybrıtanııa ókimeti AQSh-pen birge Sırııaǵa qarsy áskerı is-qımyldarǵa qatysýǵa nıet bildirip otyr. Koroldik áskerı-teńiz floty birlesken operasııalarǵa daıyndyqty bastap ta ketti.
The Telegraph basylymynyń úkimetke silteme jasaı otyryp jazýyna qaraǵanda, Brıtanııa premer-mınıstri Devıd Kemeron men AQSh ókimeti, sonyń ishinde prezıdent Barak Obamamen aradaǵy kelissózder odan ári jalǵasýda. Birlesken operasııany júzege asyrýdyń keıbir sharttary kelisilgen jaǵdaıda áskerı is-qımyldar aldaǵy aptanyń ishinde bastalmaq.
TERRORLYQ AKTILER AZAIMAI TUR
Irakta jeksenbi kúni bolǵan terrorlyq shabýyldar saldarynan 47 adam qurban bolyp, ondaǵan adam túrli dene jaraqattaryn alǵan. Eń iri shabýyl el astanasynyń soltústigindegi Baakýba qalasynyń ortalyǵynda oryn alǵan.
Sol sııaqty, Baǵdadtyń birneshe aýdandary men jaqyn jatqan provınsııalarda da dúrkin-dúrkin jarylystyń bolǵany belgili bolyp otyr. Jarylǵysh qurylǵynyń bireýi halyq kóp jınalatyn dámhananyń aldynda turǵan avtomobılde iske qosylsa, ekinshi jarylǵysh zat úılený toıyn toılap jatqan jastardyń júretin jolyna qoıylǵan. Ázirge bul jarylystar úshin jaýapkershilikti Iraktaǵy radıkaldy toptardyń birde-biri óz moıyndaryna alǵan joq.
MÚBARAK SOT OTYRYSYNA QATYSTY
Egıpettiń eks-prezıdenti Hosnı Múbarak burynǵy memleket basshysynyń ereýilshilerdi óltirýge qatystylyǵy jónindegi aıyptaýlardy qaıta qaraýǵa arnalǵan sot otyrysyna qatysty.
85 jastaǵy H.Múbarak sotqa Maadıdegi áskerı gospıtaldan tikushaqpen jetkizilgen. Sot Kaır polısııa akademııasynyń aıryqsha kúzettegi ǵımaratynda ótýde. Sotta qorǵaýshy jaqtyń kýáleri retinde eks-prezıdenttiń eki uly, sol sııaqty, burynǵy ishki ister mınıstri Habıb-ál-Adlı jáne qaýipsizdik qyzmetiniń ofıserleri sóz sóıleıtin bolady. Sot otyrysy óte qysqa boldy. Sóıtip, isti qaraý ústimizdegi jyldyń 14 qyrkúıegine qaldyryldy.
MEKSIKADAǴY TEMIR JOL APATY
Meksıkanyń ońtústik-shyǵysyndaǵy Tabasko shtatynda bolǵan temir jol apaty saldarynan kem degende 5 adam qaza taýyp, 20-dan astam adam aýyr jaraqattar alǵan. Tóbesinde Ortalyq Amerıka elderinen kele jatqan 300-ge tarta zańsyz ımmıgranttar otyrǵan júk poıyzy relsten shyǵyp ketken kórinedi.
Apattan zardap shekkender, olardyń deni Gondýras azamattary, gospıtaldarǵa jetkizilgen. Jaraqattanǵandardyń birqatarynyń jaǵdaıy óte aýyr kúıde. Qaıǵyly oqıǵa oryn alǵan jerdegi qutqarý jumystary áli aıaqtalmaǵan. Soǵan baılanysty Meksıka ókimeti qurban bolǵandar sanynyń kóbirek bolý múmkindigin de joqqa shyǵarmaıdy.
QOLTYRAÝYN JAS JIGITTI MERT QYLDY
Avstralııada 26 jastaǵy jigit 5 metrlik qoltyraýynnyń shabýylynan qaza tapqan. Bul týraly jergilikti polısııa habarlap otyr.
Jas jigit qoltyraýyndardyń mekeni retinde aty shyqqan Merı ózeniniń jıeginde dosynyń 30 jyldyǵyn atap ótpek bolypty. Bir sát qurban bolǵan jigit pen taǵy bir er adam sýda shomylýǵa nıet bildiredi. Osylaısha, olar sý ortasynan keıin qaraı júzip kele jatqanda jas jigitke qoltyraýyn shabýyl jasaıdy. Oqıǵa bolǵan jerge dereý jetken polıseıler men qoltyraýyndar jónindegi memlekettik basqarma ókilderi sol jerde kezdesken bir qoltyraýyndy atyp óltirgen kórinedi.
IShIMDIK BANK KARTALARY ARQYLY SATYLMAQ
«Spravedlıvaıa Rossııa» partııasynan saılanǵan Memlekettik dýmanyń depýtaty Oleg Mıheev alkogoldi ishimdikti tek bank kartasy boıynsha ǵana satýǵa ruqsat beretin zań jobasyn daıyndaǵan.
Qujat avtorynyń pikirinshe, bul shara alkogol rynogyna baqylaýdy kúsheıtýge, sondaı-aq, kámeletke tolmaǵandarǵa spırtti ishimdikterdi satýdyń aldyn alýǵa jaǵdaı jasaıdy. Onyń túsindirýinshe, bul zań ishimdik satý erejeleri neǵurlym jıi burmalanatyn oryndarda, ıaǵnı dúńgirshekter men shaǵyn dúkenderde alkogoldi ónimder satýǵa shekteý qoıady. Sonymen birge, depýtat alkogoldi qolma-qol aqshaǵa satýǵa tyıym salý keıbireýlerdiń ishimdik alýǵa ata-analarynan aqsha suraýyna da tosqaýyl qoıady dep esepteıdi.
Internet materıaldary negizinde ázirlendi.
