«Agrarlyq nesıe korporasııasy» AQ men «Agroónerkásip keshenindegi nesıe seriktestikteri qaýymdastyǵy» zańdy tulǵalar birlestigi nesıe seriktestikteri júıesin qoldaý jáne damytý týraly memorandýmǵa qol qoıdy.
«Agrarlyq nesıe korporasııasy» AQ men «Agroónerkásip keshenindegi nesıe seriktestikteri qaýymdastyǵy» zańdy tulǵalar birlestigi nesıe seriktestikteri júıesin qoldaý jáne damytý týraly memorandýmǵa qol qoıdy.
Bıylǵy jylǵy aqpan aıynda Qazaqstanda aýyldyq jerlerdegi bıznestiń damýyn qarjylandyrýmen aınalysatyn nesıe seriktestikteriniń basyn qosatyn jańa qoǵamdyq uıym – «Agroónerkásip keshenindegi nesıe seriktestikteri qaýymdastyǵy» zańdy tulǵalar birlestigi quryldy. Atalǵan qaýymdastyq – kommersııalyq emes uıym, sondyqtan ol memlekettik jáne basqa da qurylymdar aldynda nesıe seriktestikteriniń qyzyǵýshylyǵyn qorǵaýmen aınalysatyn bolady. Qaýymdastyq nesıe seriktestikteriniń óz qatysýshylaryna arnalǵan tolyq qyzmet kórsetý júıesi bar jeke qarjylyq ınstıtýt retindegi damý strategııasyn júzege asyrady.
Otandyq taýar óndirýshilerdi qoldaý maqsatynda osy sharalarǵa baǵyttalǵan memorandýmǵa qol qoıyldy. Bul qujatqa sáıkes, taraptar nesıe seriktestikterin birge damytýmen qatar, osy sharalarǵa qajetti aqparattardy almasýmen de aınalysatyn bolady.
Búginde qaýymdastyq quramynda 7 214 aýyl sharýashylyǵy taýar óndirýshileri bar 124 nesıe seriktestikteriniń basyn biriktirip otyr. Taǵy 42 nesıe seriktestigi qazirde qaýymdastyqqa múshe bolý úshin qujattaryn ázirlep jatyr. Qaýymdastyqtyń negizgi maqsaty – bul aýyldyq jerlerdegi kásipkerliktiń turaqty damýyn qamtamasyz etý men onyń ınfraqurylymyn jetildirý bolyp tabylady.
Nııaz JYLQYBAEV.
