Dertke shaldyqqandardyń eń kóbi (212 adam) el astanasy Tokıoda tirkelse, Hokkaıdo prefektýrasynda 167 adamǵa jetti. Sondaı-aq Osaka prefektýrasynda 149 adamnyń vırýs juqtyrǵany aıtylýda.
Atalǵan eldegi Bilim jáne ǵylym mınıstrligi dúnıejúzin sharlaǵan epıdemııaǵa baılanysty jergilikti ákimshilikterge bilim berý uıymdaryndaǵy qaýipsizdikti jiti baqylaýǵa alýdy tapsyrýda. «Jaǵdaı áli de qalypqa kelgen joq. Qandaı jaǵdaıǵa bolsyn ázirlik jumystaryn jalǵastyrý qajet. Kez-kelgen oqıǵany nazarǵa alǵan mańyzdy» deıdi Japonııanyń Bilim jáne ǵylym mınıstri Hagıýda Koıtı.
Onyń aıtýynsha, elde indet jappaı taraǵan jaǵdaıda jergilikti ákimshilikterge bilim berý uıymdaryn jabý týraly ótinish joldanatyn bolady. Mektepterde sabaq sáýirdiń alǵashqy on kúndiginde bastalady.
