Qazaqstan • 27 Naýryz, 2020

Jazylǵan jaıdyń jalǵasy: Kitaphanashy men medbıkeniń máselesin kim sheshedi?

79 ret kórsetildi

Men 16 jasymnan beri mektepte eńbek etip kelemin. Tárbıeshi, meńgerýshi, ustaz, kitaphanashy mamandyqtaryn jetik meńgerdim desem de bolady. Alla qalasa, endigi jyly eńbek ótilim 40 jylǵa tolady. 

«Egemen Qazaqstan» gazetiniń 2020 jyldyń 27 aqpany kúngi №40  sanynda jarııalanǵan «Umyt qalǵandar kimnen qorqady?» atty maqala mektep kitaphanashylarynyń máselesin qozǵapty. Kóterilgen másele óte oryndy, alǵysymyz sheksiz. Biraq bizdiń janaıqaıymyz tek qaǵaz betinde ǵana kóterilmeı, talqylanyp, iske assa eken deımiz. Qandaı maman ıesi bolmasyn, ózderi osy bulaqtan sý iship, ósip-óngenin, qolyna mektep kitaphanasynan kitap alǵanyn, sol kitaptan bilim alyp, osyndaı dárejege jetip otyrǵanyn umytpas. Mektep kitaphanasy – uly mamandyq. Eń kóp qazyna kimde dese, mektep kitaphanashysynda dep aıtar edim. Mektep dırektorynan bastap, kishkentaı oqyrmandardyń júregin jaýlaıtyn, eshqashan «joq» demeıtin,  báriniń kóńilin, tilin tabatyn, jany baı, jaısań jandar ǵana bul mamandyq ıesi bola alady. Mektep kitaphanashysy degenimiz – aqyn, jazýshy, ustaz, tárbıeshi, ádisker, ánshi, bıshi, psıholog.

Kitaphanashy oqýyn úsh jyl, muǵalimdik oqýdy alty jyl oqydym. Bárin qosqanda toǵyz jyl. Men eńbek etken 40 jylda bilim salasynda kóptegen ózgeris boldy. Mektepsiz ómirimiz qarań qalatyn sııaqty. Qandaı kezeńderden ótpedik. Bárine shydap baqtyq. Biraq eńbekaqy máselesine kelgende mektep kitaphanashylaryn umytyp ketkeni janymdy jaı taptyrmady. Onda ne úshin joǵarǵy oqý oryndarynda oqydym? Ákem marqum aıtqandaı, kúrekteı eki dıplomdy ne úshin aldym, meni osynshama jyldan keıin mazaq etý úshin be? Mártebemizdi túsirýge kimniń qaqysy bar? Mádenıet jáne bilim salasynda qyzmet istegenimiz úshin, mektep oqýshylaryn oqýlyqpen qamtyp, qalalyq, mektepishilik is-sharalardy joǵary deńgeıde ótkizgenimiz úshin be?

Nazarbaev zııatkerlik mektepteriniń kitaphanalarynda kitaphanashy-pedagog, kitaphanashy-ádisker degen mártebe bar. Al qala kitaphanashylary ádisker, meńgerýshi, bıblıograf, oqý bólimi, t.b. salalarǵa bóline otyryp, jumystary jeńil bolsa da, alatyn jalaqylary kóp. Endeshe dál osyndaı eńbek etip otyrǵan mektep kitaphanashylarynyń eńbekaqysyn jeý, qorqytý, qorlaý kimge kerek? Árıne, eshqandaı mektep dırektory nemese ákimshilik maǵan «eden jý» nemese «baryp kel, alyp kel» degen joq. Aqshasyn az tólese de, namysymdy eshkim qorlaǵan emes. Alaıda muǵalimder, mádenıet qyzmetkerleriniń jalaqysyn ósirip, Úkimetimiz mektep kitaphanashylaryn umytyp ketkeni adamnyń aqylyna syımaıtyn jaıt. Iаǵnı, bizdiń quqymyzdy aıaqasty etip otyr.

Meniń súıip tańdaǵan mamandyǵymdy eshkimge qorlatýǵa jol bermeımin. Ras, keıbir kitaphanashylar jalaqynyń azdyǵynan óz mektebinde qosalqy  jumys isteýge májbúr. Áıtse de qazirgi zamanda  mektep kitaphanashylarynyń eńsesi bıik bolýy tıis. Mektep kitaphanashylary basshylardyń «baryp kel, shaýyp kel» degenine elpildep júgire beretin, keı kezde edendi de jýa salatyn «qolbala» emes. Biz óz mamandyǵymyzben maqtanamyz. Endeshe tynymsyz eńbegimizge sáıkes eńbekaqymyz da joǵary bolýy kerek.

Bahtyqan BAShIBEKOVA,

№ 5 gımnazııanyń kitaphana meńgerýshisi.

Nur-Sultan

 

Redaksııadan: «Egemen Qazaqstan» gazetiniń bıylǵy 27 aqpany kúngi №40  sanynda jarııalanǵan «Umyt qalǵandar kimnen qorqady?» atty maqalaǵa baılanysty biraz oqyrmannan hat keldi. Bul maqalada jańa jyldan bastap bilim jáne mádenıet salasy qyzmetkerleriniń jalaqysy 30-dan 50 paıyzǵa deıin kóterilip, mektep kitaphanashylarynyń bul jaqsylyqtan qur qalǵany aıtylǵan bolatyn. Áıtse de jalaqy máselesinde tek kitaphanashylar ǵana umyt qalmapty. Redaksııaǵa sonymen birge elimizdiń mektepke deıingi mekemelerinde eńbek etetin medbıkelerden de hat keldi. «Jańa jyldan bastap elimizdegi medısına salasy qyzmetkerleriniń jalaqysy kóterildi. Basynda balabaqshalarda jumys isteıtin medbıkelerdiń de jalaqylary kóteriledi degen bolatyn. Biraq, jeme-jemge kelgende balabaqshadaǵy medbıkelerdi umyt qaldyrdy. Biz osy másele boıynsha Densaýlyq saqtaý mınıstrligine hat jazyp edik, bizge «Sizder Bilim jáne ǵylym mınıstrligine nemese Eńbek jáne halyqty áleýmettik qorǵaý mınıstrligine aryzdanyńyzdar» degen jaýap keldi. Osy máseleni túsindirip bere alatyn jan bar ma?» deıdi hatqa qol qoıǵan aq halatty jandar.

Nurlygúl Smaǵulova, Aqtóbe oblysy Shalqar aýdany, Aınash О́teýlıeva, Atyraý oblysy Qurmanǵazy aýdany, Manzýra Tuqasheva, Almaty oblysy Ile aýdany, Zalken Ýsanova, Shyǵys Qazaqstan oblysy Aıagóz qalasy, Saparkúl Musabekova, Túrkistan oblysy Shardara aýdany, Halıma Aqylbekova, Jambyl oblysy Moıynqum aýdany, hatqa bas-aıaǵy jıyrmaǵa jýyq mebdıke qol qoıǵan.

Shynynda bilim salasynda eńbek etip júrgen kitaphanashy men medbıkelerdiń máselesine qulaq asatyn  jan bar ma? El Úkimeti jáne jergilikti ákimder budan habardar ma? Qalaı aıtsaq ta bilim men medısına salasy qyzmetkerleriniń jalaqysyn ósirgende, osynaý mamandyq ıelerin umyt qaldyryp ketý zańǵa da, arǵa da syımaıtyn tirlik emes pe?

Sońǵy jańalyqtar

Italııada toǵyz júlde aldyq

Sport • Búgin, 10:10

«Barys» utylyp qaldy

Sport • Keshe

Eldos Smetov kúmis aldy

Sport • Keshe

«Qaırat» – qola júldeger

Aımaqtar • Keshe

Kóktemdegi UBT 10-naýryzda bastalady

Bilim • 05 Naýryz, 2021

Almatyda «Jyl qusy-2021» kórmesi bastaldy

О́ner • 05 Naýryz, 2021

Ár sala úzdikterine qurmet tanytty

Aımaqtar • 05 Naýryz, 2021

Almaty taýlarynda qar kóshkini júredi

Ekologııa • 05 Naýryz, 2021

Baǵdat Mýsın Shymkentke bardy

Aımaqtar • 05 Naýryz, 2021

Almatyda gashısh satqan azamat ustaldy

Qoǵam • 05 Naýryz, 2021

Rýslan Beketaev jańa qyzmetke taǵaıyndaldy

Taǵaıyndaý • 05 Naýryz, 2021

Qazaqstanda taǵy bir mereke paıda bolady

Qazaqstan • 05 Naýryz, 2021

Uqsas jańalyqtar