О́tken jumada Bishkektegi Máskeý - Razzaqov atyndaǵy kóshelerdiń qıylysy mańynda turǵan «VAZ 2106» kóligine «Toıota Prado» máshınesi kelip soǵyp, jol-kólik oqıǵasy oryn aldy. «Toıota Pradony» О́zbekstannyń Qyrǵyzstandaǵy elshisi Kamıl Rashıdov mas kúıinde júrgizgen bolyp shyqty. О́zi kináli bola tura ol sol sátte «VAZ 2106» avtokóliginiń ıesin uryp-soǵyp, balaǵattaǵan. Bul týraly «Vechernıı Bıshkek» gazeti habarlady.
Bir áriptesiniń týǵan kúnin atap ótip shyqqan Kamıl Rashıdov quqyq qorǵaý oryndarynyń qyzmetkerlerine de moıynsynǵysy kelmegen. Tipti, máshıne ishinde bolǵan dıplomattardyń biriniń áıeli mılısııa qyzmetkerine qarsy minez kórsetken.
Bir aıta keterligi, oqıǵa ornyna keıinnen kelgen О́zbekstan elshiliginiń júrgizýshisi Ábdýálı degen azamat jol-kólik oqıǵasyna qatysty kináli dep tanylyp, onyń ústinen zańdyq qujattar toltyryldy.
Qazirgi kezde quqyq qorǵaý oryndarynyń qyzmetkerleri atalǵan iske baılanysty tekserý jumystaryn júrgizýde. Al О́zbekstan elshiligi bul oqıǵaǵa qatysty eshqandaı málimdeme jasamaı otyr.
Joldybaı Bazarov.
