Qazaqstan • 27 Naýryz, 2020

Karantın kezinde jataqhanada jatady

44 ret kórsetildi

Qala aýmaǵynan tys jerde turatyn Polısııa departamentiniń 700-ge jýyq qyzmetkeri karantın kezinde vırýs taralmas úshin Almaty qalasynyń jataqhanalaryna ornalastyryldy.

– Qala karantın rejıminde bolǵandyqtan, kez kelgen turǵyn juqpaly aýrýdyń qozdyrǵyshy bolýy yqtımal. Tótenshe jaǵdaıda quqyq qorǵaý júıesiniń jumysy kúsheıip, polısııa qyzmetkerleriniń halyqpen baılanysy – jumystyń ajyramas bóligine aınalady. Polısııa jumysynyń ereksheligine baılanysty qala syrtynda turatyn tártip saqshylaryn ýaqytsha turǵyn úımen qamtamasyz etý týraly sheshim qabyldandy. Memleket esebinen bizdiń qyzmetkerlerge barlyq jaǵdaı jasaldy. Karantın kezinde Almatynyń barlyq polısııa qyzmetkerleri kazarmalyq rejımde – qalada bolady, – dedi Almaty qalalyq Polısııa departamenti basshysynyń orynbasary Abdýalı Nasharbekov.

Tártip saqshylary turatyn jataqhanalarda turmysqa qajettiniń bári bar. Polıseılerdiń pikirin tyńdap kórýge bolady. Bul týraly tártip saqshylary da ashyp aıtýda.

– Úıde úsh balam, áıelim jáne anam qaldy. Árıne, biz saǵynamyz. Biraq bul – qyzmet. Týysqandar aldyndaǵy jaýapkershilik bar, ózimizge júktelgen mindetter bar, bárin túsinemiz. Turǵyn úı jaǵdaılaryna qatysty shaǵym joq, bári bar deýge bolady. Qajet bolǵan kezde kazarmada, shatyrly lagerlerde de turamyz, eń bastysy – elimiz tynysh bolsa, azamattarymyzǵa qaýip tónbese boldy, – deıdi Metropolıtendegi Polısııa basqarmasynyń qyzmetkeri Qýat Baıshýaqov.

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Uqsas jańalyqtar