Qazaqstan • 27 Naýryz, 2020

1200 erikti tártip saqshylaryna kómektesýde

75 ret kórsetildi

Ishki ister mınıstri Erlan Turǵymbaev qoǵamdyq tártipti saqtaýǵa atsalysyp júrgen volonterlermen kezdesti. Olar elimizde tótenshe jaǵdaı rejımi engizilgen alǵashqy kúnnen bastap polısııa qyzmetkerlerimen birge qoǵamdyq tártipti qadaǵalaýda.

Baılanys ornatý úshin olar arnaıy keýdeshelermen jáne radıostansalarmen qamtamasyz etilgen. Jurtshylyqty, sonyń ishinde eriktiler qozǵalysyn osy tártip saqtaýǵa, izdestirý is-sharalaryna jáne polısııanyń ýchaskelik ınspektorlaryna kómek kórsetýge tartý jónindegi bastama elimizdiń barlyq aımaqtarynda engizildi.

Eriktiler joǵalǵan balalar men qarııalardy izdeýge, rezonanstyq qylmystardy ashýǵa qatysady, túrli oqıǵalar kezinde kómektesedi. Búgin, elde tótenshe jaǵdaı engizilgen kezeńde eriktiler reıdtik jáne aldyn alý is-sharalaryn júrgizýge jumyldyrylǵan. Olar ýchaskelik ınspektorlarmen jáne patrýldermen birge karantınge baılanysty engizilgen shekteýler týraly túsindirý jumystaryn júrgizýde. Jalpy polısııa qyzmetkerlerine elimiz boıynsha 1200 erikti kómek kórsetýde.

– Biz buryn kezdespegen qaýipke tap bolyp otyrmyz. Ishki ister mınıstrliginiń barlyq qyzmetteri men bólinisteri – polıseıler, qutqarýshylar men Ulttyq ulannyń áskerı qyzmetshileri qoǵamdyq tártipti saqtaýǵa jumyldyrylǵan. Bul kúnderi azamattarymyzdyń tarapynan kórsetiletin kómektiń mańyzy erekshe. Men otanshyldyq pen azamattyq boryshyna adaldyǵyn isimen tanytyp, polıseılermen birge qoǵamdyq tártipti saqtaýǵa qatysyp júrgen adamdardyń barlyǵyna alǵysymdy bildiremin.  Birlesken kúsh-jigerdiń arqasynda biz osy kúrdeli kezeńdi eńsere alamyz. Memleket basshysy Qasym-Jomart Toqaevtyń 2020 jyldy – Volonter jyly retinde jarııalaǵannan beri eriktiler qatary tek tolyǵa túsetinine senimdimin, – dedi E.Turǵymbaev.

О́z kezeginde eriktiler de osyndaı aldyn alý is-sharalaryn ótkizýde tıimdiligin kórsetti. Olar karantın kezinde ýchaskelik ınspektorlarmen birlesip, azamattarǵa bul kezeńdegi qaýipsizdik sharalary jáne tótenshe jaǵdaı talaptary týraly eskertýde.

Osylaısha IIM ókilderi jastardy qoǵamdyq tártipti saqtaýǵa jumyldyra otyryp, turǵyndar qaýipsizdigin qamtamasyz etý jónindegi jumystyń tıimdiligin arttyrýda. Sonymen qatar olardyń qoǵam aldyndaǵy borysh sezimin nyǵaıtyp, quqyqtyq saýattylyqty arttyrýdy kózdep otyr.

Sońǵy jańalyqtar

Jetim kórseń, jebeı júr

Aımaqtar • Keshe

Ar aldynda arylý

Rýhanııat • Keshe

Talanttar Otanyn tastap ketkende...

Rýhanııat • Keshe

Kedeı elderge kómek

Ekonomıka • Keshe

Ǵasyr ájimi

О́ner • Keshe

Ǵazymbektiń ǵazız beınesi

Aımaqtar • Keshe

Almatyǵa jaryq qaıta berildi

Aımaqtar • Keshe

Uqsas jańalyqtar