Qazirgi kúni Jaqsy aýdanyndaǵy TNK agrofırmasynyń quramyna kiretin «Ýrojaı» jaýapkershiligi shekteýli seriktestiginiń jarma jáne jyldam daıyndalatyn suly qaýyzy ónimderine suranys joǵary bolyp otyr. Osy kásiporyn basshysy Ǵabıden Bralınniń aıtýyna qaraǵanda, munda táýligine bes júz tonnadan astam bıdaı úgetin 4 dıirmen jumys istep tur. Agrofırmanyń menshiginde malǵa qajetti qurama jem shyǵaratyn zaýyt ta bar. О́tken jyly jyldyq qýaty 12000 tonnany quraıtyn túrli jarmalar men jyldam daıyndalatyn suly qaýyzdaryn shyǵaratyn kásiporyn iske qosyldy.
Qazirgi zamanǵy tehnologııamen jabdyqtalǵan osy kásiporynnyń sapaly ónimderine suranys kúnnen-kúnge kóbeıe túsýde. О́nimniń ózi sapaly bolǵannan keıin ótýi de jaqsy. Ásirese, Reseı, Aýǵanstan, Orta Azııa elderi buıymtaılaryn aıtýda. Bir aıta keterligi, unmen birge jarma men jyldam daıyndalatyn suly qaýyzdarynyń onnan astam túri shyǵarylady. Shıkizat ózderinen. Búgingi tańda Qazaqstanda óndiriletin unnyń on prosentke jýyǵy Jaqsy elevatorynyń úlesinde. Jalpy, Aqmola oblysynda agronerkásip keshenin damytý sheńberinde eńbek ónimdiligin jáne qaıta óńdelgen ónimderdiń eksporttyq áleýettin arttyrý mindetti tur. О́tken jyly agrofırma 42,1 mılllıard teńge kóleminde memlekettik qoldaýǵa ıe boldy. Osynyń arqasynda jyl qorytyndysy boıynsha aýyl sharýashylyǵy salasynda ishki ónim kólemi 515,8 mıllıard teńgege jetti.
Jaqsy aýdany,
Aqmola oblysy
