Lıvııanyń burynǵy basshysy Mýamar Kaddafıdiń ekinshi uly – Seıf al-Islam Kaddafıge qatysty sot isi 19 qyrkúıekte bastalady. Bul týraly «RIA Novostı» habarlady.
Lıvııanyń bas prokýrory Abdel Kadır Radvan 19 qyrkúıekte Seıf al-Islamnyń qylmystyq isin qaraý bastalady dep otyr. Seıf al-Islam 2011 jyldyń kúzgi oqıǵasynda áskerı qylmys jasady, memlekettik týdy qorlady dep aıyptalýda. Ol sondaı-aq eldiń ulttyq qaýipsizdigine nuqsan keltirýi múmkin adam retinde de sot aldynda jaýap bermek.
Halyqaralyq sot ókilderi Mýamar Kaddafıdiń ulyna Lıvııa soty úkim shyǵarýǵa daıyn emes, sondyqtan Seıf al-Islamdy Gaaga trıbýnalyna bergen jón dep sanaıdy.
Sol sııaqty, Seıf al-Islamnyń qorǵaýshysy da sottyń Lıvııada ótkenine qarsy. О́ıtkeni, ol munda óziniń qorǵaýyndaǵy adamǵa ólim jazasy kesilip ketýi múmkin dep qaýiptenedi.
Jalpy, Seıf al-Islam 2011 jyldyń kúzgi oqıǵalaryna deıin Mýamar Kaddafıdiń ornyn basatyn taq murageri dep eseptelinip kelgen. Alaıda, ol 2013 jyldyń qarasha aıynda Nıgerııaǵa ótip ketpek bolyp jatqan kezde Lıvııa Ulttyq ýaqytsha keńesi qarýly kúshteriniń pármenimen tutqyndalǵan.
Taǵy bir aıta keter jáıt, atalǵan eldiń barlaý qyzmetiniń burynǵy basshysy Abdal as-Senýssıdiń isi de 19 qyrkúıekte bastalmaq. Ol da 2011 jyldyń kúzinde bolǵan Lıvııadaǵy oqıǵalar barysynda áskerı qylmys jasaǵan dep aıyptalýda.
Joldybaı Bazarov.
