Toǵyz qalada dezınfeksııalaý jumysy júrýde

Áskerı qyzmetshilerdi jaýyngerlerdi jappaı joıý qarýynan urys alańynda qorǵaýmen aınalysatyn azamattyq qorǵanys jumystaryna tartý – qajettilik sanalady. Qazaqstan Prezıdenti – Qarýly Kúshterdiń Joǵary Bas qolbasshysy Qasym-Jomart Toqaevtyń tapsyrmasyna sáıkes dezınfeksııalaý jumystarynyń aýmaǵy keńeıtilip, bıologııalyq qorǵanys bólimsheleriniń sany arttyryldy. 

Nur-Sultan qalasynda dezınfeksııalaý jumysy qalaı júrgizilip jatqanyn Qorǵanys mınıstri Nurlan Ermekbaev tekserdi. Áńgimelesý barysynda ol áskerı qyzmetshilerdiń Qazaqstan azamattarynyń densaýlyǵy men amandyǵyn saqtaýda atqaratyn jumystary mańyzdy jáne aýqymdy ekendigin aıtty.

– Áskerılerdiń ereksheligi – beıbit kezde isteri kórinbeı, qıyn kezeńde kómekke keletini. Elimizde qajetti sharalar qolǵa alynyp, ınfeksııaǵa qatysty jaǵdaı baqylaýǵa alynǵan. Biraq biraz jınaqtalyp, ustamdylyq tanytý qajet. Sizderge tek basshylyqtyń ǵana emes, týǵan-týys, dos-jaran jáne barlyq qazaqstandyqtardyń nazary aýyp, qurmet, senim jáne túsinistikpen qaraýda, – dedi N.Ermekbaev.

Áskerı qyzmetshiler óz densaýlyǵynyń qaýipsizdigine de asa mán berý kerek. Bir jaýyngerdiń syrqaty bólimsheniń ǵana emes, búkil áskerı bólimniń jaýyngerlik ázirligine nuqsan keltirýi múmkin. Áskerılerge barlyq sanıtarlyq-gıgıenalyq normalardyń talaptary qatań saqtalyp, indettiń alǵashqy belgilerin bilý jáne olar anyqtalǵan kezde basshylyqqa jedel túrde baıandaý jóninde eskertildi.

Áskerılerdiń fızıkalyq belsendilikti eskerip, jeke quramnyń tamaqtaný rasıonyn qaıta qarastyryp, densaýlyqty qalypty jaǵdaıda saqtaý úshin vıtamınder berýdi uıymdastyrý tapsyryldy. Áskerı qyzmetshilerdiń kún saıynǵy monshaǵa barýy, kıimderdiń arnaıy quraldarmen tazalap, jeke gıgıena quraldarymen ýaqytyly qamtamasyz etýlileri uıymdastyrylǵan. Jumys barysynda áskerı qyzmetshilerdiń dalada kóp ýaqyt ótkizýlerine baılanysty sektorlar boıynsha arnaıy bıodárethanalar men ákimshilik ǵımarattarǵa kirýge múmkindik berý máselesi qarastyrylýda.

Dezınfeksııalaýǵa jatatyn nysandar men aýmaqtardy tolyqtaı óńdeý eskertildi. Sonymen qatar quraldardy aýystyrý men jóndeý jumystaryn júrgizý máselesi sheshilýde.

Mınıstr óz atynan áskerı qyzmetshilerge qyzmetteri úshin, onyń ishinde túngi ýaqytta iri qala nysandaryn dezınfeksııalaýǵa, qala mańyna jaqyn ornalasqan aýyl aımaǵyn arnaıy óńdeý jumysyna qatysqandary úshin alǵysyn bildirdi.