Elbasy Nursultan Nazarbaevtyń Shymkent - respýblıkadaǵy úshinshi qala bolýy tıis degen tapsyrmasyn júzege asyrý barysynda ekonomıkalyq, óndiristik jáne áleýmettik sektorlardy qarqyndy damytýda Ońtústik Qazaqstan oblystyq densaýlyq saqtaý basqarmasy men ANAM Koreı ýnıversıtetiniń gospıtali (Seýl qalasy, Ońtústik Koreıa) eki jaqty birlesken memorandýmǵa qol qoıdy. Memorandýmda kórsetilgendeı, medısınadaǵy túrli salalar boıynsha, onyń ishinde búırek aýystyrýda Ońtústik Koreıanyń jetekshi mamandary jergilikti kadrlardy oqytý men keńes berý, tájirıbe almasý qarastyrylǵan. Bul týraly oblys ákiminiń baspasóz qyzmeti habarlady.
«Qazir oblysta 300 naýqas sozylmaly búırek jetkiliksizdiginiń aqyrǵy stadııasy boıynsha dıalız baǵdarlamasynda tur, ári olardyń sany jyl saıyn kóbeıip, tómendeıtin túri joq. Ońtústik Qazaqstanda alys-jaqyn shetelderde donorlyq búırek aýystyrý operasııasy jasalǵan 40 naýqas esepte turady. Olar ómir boıy quny qymbat ımmýnosýpressıvti dári-dármekterdi tegin alyp, ońaltýdan ótedi. Densaýlyq saqtaý basqarmasy bul naýqastar úshin oblystyq qan ortalyǵynda qandaǵy ımmýnospressıvtiń konsentrasııasyn tegin anyqtaýǵa jaǵdaı jasap qoıǵan. Buryn olar osy zertteýge bola О́zbekstan, Almaty, Qytaıǵa baryp kelýge májbúr edi», - delingen habarlamada..
Densaýlyq saqtaý mınıstrliginde búırek aýystyrýǵa kezekte 21 ońtústikqazaqstandyq tur. О́ńirde transplantasııalyq qyzmetti qurýda densaýlyq saqtaý basqarmasy aýqymdy jumystar atqaryp, qazir aǵza múshelerin transplantasııalaýǵa, ıaǵnı, aýystyrýǵa qajetti barlyq jaǵdaılar jasalǵan. Bıylǵy jyldyń aqpan aıynda bizdiń mamandar transplantologııa boıynsha ANAM Koreı ýnıversıteti gospıtaliniń ( Seýl qalasy, Ońtústik Koreıa) bazasynda jáne №9 Mınsk qalalyq aýrýhanasy (Belarýs Respýblıkasy) bazasynda oqyp keldi. Qajetti barlyq dári-dármekter men medısınalyq quraldar satyp alyndy, donorlar men resıpıentter daıyndaldy.
ANAM gospıtalimen birlesken memorandým aıasynda bıylǵy jyldyń naýryz aıynda alǵash ret Qazaqstanda búırek aýystyrý óńirlik deńgeıde – Shymkent qalalyq jedel medısınalyq kómek kórsetý aýrýhanasynda koreılik áriptesterdiń qatysýymen tórt pasıentke sátti operasııa jasaldy. Qazirgi ýaqytta barlyq olardyń barlyǵy kúndelikti ómir saltyn ustanýda.
Medısınadaǵy osy bir asa qajetti baǵytty damytýǵa Ońtústik Qazaqstan oblystyq ákimdigi men Máslıhaty, zor yqpal etýde, solardyń qoldaýymen 2013 jyly jergilikti bıýdjetten 18 mln. tenge búırek aýystyrý boıynsha master-klasstardy uıymdastyrýǵa jáne ótkizýge bólindi.
Al 24-31 tamyz aralyǵynda atalmysh jobany júzege asyrýda Shymkent qalalyq jedel medısınalyq kómek kórsetý aýrýhanasynda ANAM Koreı ýnıversıteti gospıtaliniń (Seýl qalasy, Ońtústik Koreıa) mamandarymen birlesken búırek aýystyrý boıynsha master klasstar bolýda. Bul master-klasstar transplantasııalyq qyzmetke qatysty - nefrolog, ýrolog, hırýrg, anestezıolog-reanımatolog, transfýzıolog sııaqty 28 mamanǵa arnaıy uıymdastyrylýda. Is-shara baǵdarlamasy boıynsha týysqan donordan 7 búırek aýystyrý jáne ANAM Koreı ýnıversıteti medısınalyq ortalyǵynyń transplantologııa jáne qan tamyrlary hırýrgııasy bóliminiń meńgerýshisi, professor Pak Kvan Te (Park Kwan Tae) leksııalyq kýrstar ótkizýde.
Ońtústik Qazaqstan oblysynyń densaýlyq saqtaý salasynda joǵary tehnologııanyń belsendi transferti jergilikti kadrlardyń biliktiligin kóterýge, álemdik deńgeıge jaqyndatýǵa jaǵdaı jasaıdy. Bul óz kezeginde bizdiń óńirimizde turǵyndarǵa medısınalyq kómektiń joǵary deńgeıde kórsetilýine múmkindik beredi.
Murat Aıtqoja.
