О́ner – jan balasyna ortaq qundylyq. Ony árkim meńgerip, qalaýynsha paıdalanýǵa quqyly. Ol arqyly beriletin rýhanı nár, jan-júıkeniń rahaty, kóńildi demalystyń mańyzy aıryqsha jáne óner adam balasynyń ultyna, qyzmetine, baılyq-bedeline qarap qonbaıtyn barynsha ádil, taza qubylys. Ásirese, «árbir butasy án salyp turatyn» qazaq dalasy, «áý» demeıtini joq qazaq balasy týraly ónermen etene jaratylǵan deýdiń artyqtyǵy joq. О́nerpaz degenimiz sahnanyń sánine aınalǵan juldyzdar ǵana emes, myń burala bılep, alty qyrdan asqan ásem daýysymen shyrqaı án salyp, san túrli aspaptar qulaǵynda oınaǵan dáýlesker óner adamdaryn qarapaıym halyq arasynan kóptep kezdestirýge bolady. Bul sózdi «QazMunaıGaz» BО́» AQ-tyń uıymdastyrýymen munaıshylar arasynda ótken «Dala daryndary» óner baıqaýy dáleldeı tústi.
О́ner – jan balasyna ortaq qundylyq. Ony árkim meńgerip, qalaýynsha paıdalanýǵa quqyly. Ol arqyly beriletin rýhanı nár, jan-júıkeniń rahaty, kóńildi demalystyń mańyzy aıryqsha jáne óner adam balasynyń ultyna, qyzmetine, baılyq-bedeline qarap qonbaıtyn barynsha ádil, taza qubylys. Ásirese, «árbir butasy án salyp turatyn» qazaq dalasy, «áý» demeıtini joq qazaq balasy týraly ónermen etene jaratylǵan deýdiń artyqtyǵy joq. О́nerpaz degenimiz sahnanyń sánine aınalǵan juldyzdar ǵana emes, myń burala bılep, alty qyrdan asqan ásem daýysymen shyrqaı án salyp, san túrli aspaptar qulaǵynda oınaǵan dáýlesker óner adamdaryn qarapaıym halyq arasynan kóptep kezdestirýge bolady. Bul sózdi «QazMunaıGaz» BО́» AQ-tyń uıymdastyrýymen munaıshylar arasynda ótken «Dala daryndary» óner baıqaýy dáleldeı tústi.
Gazetimizdiń aldyńǵy sanynda aıtyp ótkenimizdeı, kıeli Mańǵystaý óńirinde alaýyn tutatqan munaıshylar spartakıadasy tabysty qorytyndylanyp, odan ári munaıshylardyń ózara óner saıystyrýyna ulasty.
Jurtshylyq jarty ǵasyrlyq mereıtoıyn toılaý úshin qyzý daıyndyq qushaǵyndaǵy toıly Aqtaý tórine Astana, Atyraý, Qyzylorda, Oral, Jańaózen qalalarynan jáne Mańǵystaýdyń ózge de ken oryndarynan aǵylǵan munaıshylardyń naǵyz ónerpazdar ekenine tánti boldy. Ádette arnaıy jumys kıimin kıip alyp, dáý sómkelerimen vahtalyq avtobýstardan túsip, úıdi-úılerine tarap bara jatatyn azamattar arasynda án men jyrdyń aıtqyshtary az emes eken. Sóıtsek, spartakıada da kezdesken sport júırikteri sekildi munaıshylar arasynda óner tulparlary da júr. Munaıly óńirlerden jetken 80-nen astam úmitkerlerdiń biri aımaqtyq, endi biri respýblıkalyq baıqaýlardyń laýreattary. Oryndaýshynyń osal bolmaýy tórelik etýshiniń de tómen bolmaýyn talap etedi. S.Jumaǵalıev, R.Aıdarbaeva, A.Súndetov, E.Ábdihalyqova sekildi respýblıkaǵa tanymal óner adamdary, ózge de óz salasynyń bilgirleri qazylyq etken saıys qyzý ótti. Úmitkerler jyr-terme, aspapta oryndaý, orkestr súıemeldeýimen án salý, estradalyq án, vokaldy aspapty ansambl jáne erekshe janr boıynsha synǵa tústi. Tipti talaı óner baıqaýlaryna pikir aıtyp, «júzden júırikti, myńnan tulpardy» anyqtaýda tájirıbe jınaqtaǵan qazylar alqasynyń músheleri munaıshy ónerpazdar arasynan oza shapqan júldegerlerdi anyqtaý qıynǵa túskendigin jasyrǵan joq.
– О́nerdi qıyn jumystyń tasasynda qaldyrmaı, eńbekpen birge alyp júrgen talantty qyz-jigitterdiń bar ekendigine qatty qýandyq. Munaıshylar arasynda ándi de, bıdi de óz naqyshynda oryndap, aspaptarda sheber oınaı biletin, sondaı-aq halqymyzdyń asyl qazynasy – qara dombyrany quıqyljyta oınap, jyr-termeni túıdektete tógiltetin jyrshy-termeshilerdiń bar ekendigine kóz jetti. Jeri qazynaǵa baı halqymyzdyń júregi, jan-dúnıesi rýhanı baılyqqa, ónerge toly ekendigine tánti boldyq, – deıdi qazylar alqasynyń tóraǵasy, QR eńbek sińirgen ártisi Sembek Jumaǵalıev.
«QazMunaıGaz» BО́» AQ» kompanııasynyń sport jáne óner saıystaryn ótkizýdegi maqsaty – daryndy munaıshylarǵa qoldaý kórsetý, óz boıyndaǵy óneri men qaısarlyǵyn jarqyrata túsýge járdem berý. Únemi únsiz dalamen syrlasyp, qyr tósinde júretin eńbekkerler saıysynyń «Dala daryndary» atalýy da tegin emes. Dalanyń qudireti sheksiz, onymen tildese bilgen jannyń daryn bolmasqa amaly da joq.
– Bala kezimnen án shyrqaǵandy unatamyn. Biraq, maǵan ánshi emes, munaıshy bolý buıyrypty. О́nerimdi ortaǵa salyp, saıysqa túsýge múmkindik bergen uıymdastyrýshylarǵa alǵys aıt
