Urpaq ósedi, zaman ózgeredi. Biraq qaı zamanda bolmasyn eline es, jerine qorǵan bolatyn bilimi tereń, aqyly darııa birtýar tulǵalar bolady. Quqyq qorǵaý salasynda jumys isteıtin jastar sondaı tulǵalarǵa qarap boı túzep, prokýratýra organdarynyń qyzmetin jetildirýge, zańdylyq pen quqyqtyq tártipti nyǵaıtýǵa úlken úles qossa nur ústine nur bolar edi.
Urpaq ósedi, zaman ózgeredi. Biraq qaı zamanda bolmasyn eline es, jerine qorǵan bolatyn bilimi tereń, aqyly darııa birtýar tulǵalar bolady. Quqyq qorǵaý salasynda jumys isteıtin jastar sondaı tulǵalarǵa qarap boı túzep, prokýratýra organdarynyń qyzmetin jetildirýge, zańdylyq pen quqyqtyq tártipti nyǵaıtýǵa úlken úles qossa nur ústine nur bolar edi.
Osyndaı erekshelenetin tulǵalardyń biri О́tegen Seıitov aǵamyz desek eshbir qatelespeımiz. Ol kisiniń ómir joly týraly tarıhı derekterdi, estelikterdi qarap otyrsań aǵaǵa degen iltıpat, erekshe jyly sezim, mólt etken móldir saǵynysh turady. О́ıtkeni, О́tegen Seıitov búkil sanaly ǵumyryn Qazaqstan prokýratýrasyna arnaǵan asa belgili zańger, ómirlik ustanymy – basty kundylyq Adam, zańdylyq pen ádildiktiń ústemdigi .
Adamı qasıeti mol, sózi salmaqty, bilimi jetkilikti, uıymdastyrýshylyq qabilettiligi zor, eńbekqorlyǵy erekshe jan prokýratýra salasyndaǵy baspaldaqtardyń bárinen múdirmeı ótip, abyroı bıigine jetti. Soǵys aıaqtalǵan soń О́tegen Seıituly Ońtústik Qazaqstan oblysynyń Keles aýdandyq prokýratýrasynda halyq tergeýshiliginen bastap, odan keıin oblystyq prokýratýrada qyzmet atqarǵan. 1951-1962 jyldar arasynda Qazaq KSR prokýratýrasy bóliminiń prokýrory, Almaty qalasy Keńes aýdany prokýrory, Almaty oblysynyń prokýrory, Qazaq KSR Prokýrorynyń orynbasary bolyp qyzmet atqaryp, ósý baspaldaqtarynyń bárine óziniń kásibı ustanymy arqasynda jetken. О́tegen Seıitulynyń iskerlik qabiletteri, ótken ómir mektebi, jınaqtaǵan tájirıbesi, prokýratýra organdarynyń ózindik erekshe ornyn bekitýge baǵyttalǵan izdenisteri 1966 jyly, bar bolǵany 43 jasynda Qazaq KSR Prokýrory laýazymyna taǵaıyndalýyna sebep boldy. Sóıtip, О́tegen Seıituly 18 jyl boıy Qazaqstan prokýratýrasyn basqardy. О́tegen Seıitov asa bedeldi bolǵan. Ol kezdegi Odaq Bas prokýratýrasynyń qyzmetkerleri, odaqtas respýblıkalardyń prokýrorlary ony erekshe qurmettegen.
О́tegen Seıituly respýblıka Prokýrory jumysyn qolǵa alǵannan bastap, prokýratýranyń basty mazmuny zańdylyq pen quqyq qorǵaýdy qamtamasyz etý, azamattardyń áleýmettik-ekonomıkalyq, saıası jáne jeke quqyqtary men bostandyqtaryn qorǵaý, quqyq buzýshylyqty boldyrmaý ekendigin erekshe aıqyndaıtyn kóptegen baǵyt-baǵdaryn aıqyndap, prokýrorlyq qadaǵalaýdyń tıimdi tásilderin engizýge kúsh saldy.Talaı izgi ister atqaryldy, prokýratýra organdarynyń materıaldyq jáne quqyqtyq salasy jańasha ózgertildi.
Osy jyldarda prokýratýra organdarynda qyzmet etken barlyq adamdar úshin О́tegen Seıitulynyń qarapaıymdylyǵy, el bolashaǵyna degen qyzmeti, salmaqty pikirleri men salaýatty oılary, úlkenge de, kishige de birdeı iltıpaty, parasattylyǵy, kadrlardy tárbıeleý, ósirý máselesine asa sergektigi ómirlik úlgi boldy.
Men 1970-1976 jyldary Almaty oblystyq sotynda sot májilisiniń hatshysy qyzmetin atqardym. 1973 jyly, umytpasam qazan aıy bolýy kerek, О́tegen Seıituly qyzmet barysynda oblystyq sotqa kelip, óziniń fýrajkasyn hatshylar otyratyn kabınetke ilip sot tóraǵasyna ketken edi. Men Larısa Rybalko degen qyzmetker ekeýmiz respýblıka Prokýroryn buryn kórmegen ekenbiz, onyń jyly shyraıyna, kelbettiligine, kishipeıildigine tánti boldyq. Boıynda eshbir menmendik joq. Men zań fakýltetinde oqımyn, jaspyz ǵoı yrym bolsyn, aǵamnyń izin qýarmyn dep ilýli turǵan fýrajkany basyma kıgenim sol edi, О́tegen Seıituly oblystyq sottyń tóraǵasy Jáńgirhan Ábiljanov ekeýi (bizdiń esik tóraǵanyń esigine qarama qarsy bolatyn) shyǵyp kele jatyr eken. Sasqanymnan fýrajkany dereý ile qoıdym, al О́tegen Seıituly jylylyqpen qarap «zańgerlik oqýdasyń ba» dep surady. Meniń jaýabymnan keıin «eńbek pen oqýdy ushtastyrǵan jaqsy, prokýror bol, aınalaıyn» dedi. Árıne, tóraǵa meni azdap ursyp aldy «balasyńdar ma, bul ne» dep, biraq ol kisi de jany jaısań adam edi «ne bolsa da zańgerler arasyndaǵy dara tulǵa О́tegen aǵańnan, el prokýrorynan bata alyp qaldyń, endi prokýror bolmaı gór» dedi. Men osy kezdeskenime ózimdi baqytty sanaımyn, oqý bitirisimen prok ýratýra organdaryna joldanýym, abyroımen jumys atqaryp, beldi tutqalardy ustaǵanym, aǵa zań keńesshisine laýazymyna jetkenim О́tegen Seıitulynyń osy bergen batasynan jol alǵan dep esepteımin jáne maqtanysh etemin.
Almaty oblystyq soty ǵımarattyń birinshi qabatynda da ústińgi qabattarda Joǵarǵy sot ornalasqan edi, sol kezde keıbir jınalystarǵa biz de qatynasatynbyz. О́tegen Seıitulynyń qandaı pikir bildirse de baıyppen sheber sóılegenin, barlyq quqyq qorǵaý jáne sot organdary qyzmetkerleriniń deńgeıin odan ári kóterýine atsalysýǵa baǵyttaǵan oı tolǵamdaryn, tııanaqty tujyrymdaryn da estigen edim. Aǵanyń sózderinen keıin boıyńda jiger, talpynys, ózgeshe kózqaras paıda bolatyn, osyny basqa áriptesterimnen de estip jatatynmyn.
Uly Otan soǵysy jyldarynda prokýrorlyq kadrlar Otandy qorǵaý isinde óshpes erliktiń ónegesin kórsetti. О́tegen Seıitulynyń ómirbaıanyna kóz júgirtsek 1942–1945 jyldary Rýmynııa, Bolgarııa, Iýgoslavııa, Avstrııa, Vengrııany azat etýge qatysyp, Uly Jeńisti Vena qalasynda qarsy alǵan. Úsh ret jaraqat ala tura dep em alǵannan keıin qaıta soǵysqa attanǵan. Onyń eren erligi men jemisti eńbek qyzmeti árqashanda baǵalandy, I dárejeli Otan soǵysy, Qyzyl Juldyz, eki márte «Halyqtar dostyǵy», «Qurmet» ordenderimen, kóptegen medaldarmen, gramotalarmen, alǵys hattarmen marapattalǵan. Ol «Qazaq KSR-ine eńbegi sińgen zańger», «Prokýratýranyń qurmetti qyzmetkeri», 1 dárejeli memlekettik ádilet keńesshisi.
О́tegen Seıitulynyń atyna Shalqar, Almaty qalalarynda kóshe attary berilgen. Aqtóbe qalasynda Qazaqstan Respýblıkasynyń Bas prokýrory Daýylbaev Ashat Qaızollaulynyń qoldaýymen О́tegen Seıitovtiń eskertkish músini qoıyldy.
Elbasy N.Nazarbaev «Qazaqstan-2050» Strategııasy – qalyptasqan memlekettiń jańa saıası baǵyty» atty Qazaqstan halqyna Joldaýynda: «Aldyńǵy tolqyn – aǵa býyn! Sizderdiń kóregendikterińiz ben ómirlik tájirıbelerińiz keıingi býynnyń aqıqat jolynan adaspaı, alǵa basýyna septigin tıgizedi», dep aǵalarǵa erekshe senim artqan bolatyn.
Osy rette О́tegen Seıitulynyń prokýratýra salasynda 40 jylǵa sozylǵan ómir jolyna kóz júgirtsek, súıikti kásibine jan-tánimen berilgendigi, óz isine adaldyqtyń belgisin kóremiz. Aǵanyń tárbıesi men taǵylymy mol ómir joldary onyń naǵyz úlken áripten turatyn ustaz, belgili qoǵam qaıratkeri ekenin aıqyndaıdy.
Bizder, Atyraý ólkesiniń ardagerleri О́tegen Seıituly prokýratýra organdaryn basqarǵan jyldarda qyzmet etkenimizdi, ózimizdi aǵanyń shákirti dep sanaı alatynymyzdy maqtan tutamyz. Qazirgi jas mamandarǵa ustazdyń ómiri men eńbek jolynan ónege alyp, onyń sońynda qalǵan izderin ustanym etýine atsalysýdy óz paryzymyz dep sanaımyz
Aıken QUMǴANBAEVA,
Atyraý oblystyq prokýratýra organdary
ardagerler keńesiniń tóraıymy.
