Álem • 31 Naýryz, 2020

Alǵashqy vırtýaldy sot otyrysy

41 ret kórsetildi

Anglııanyń Joǵarǵy sotynyń 900 jyldyq tarıhynda alǵash ret sot tyńdaýlary onlaın translıasııa arqyly beınekonferensııa júıesiniń kómegimen ótip jatyr.

Budan buryn onlaın translıasııa qoǵam úshin erekshe mańyzdy ister bolǵanda ǵana qoldanylǵan. Sonymen qatar, bul ister sot zalynda oryn alyp, prosestiń tek vıdeotranslıasııasy qamtamasyz etilgen.

Qazaqstan qatysyp jatqan bul prosess burynǵyǵa qaraǵanda ózgeshe. Búkil sot tyńdaýy vırtýaldy túrde ótip jatyr, onda árbir qatysýshy – sýdıa, barrısterler, qonaqtar men kýágerler úıde nemese keńsede otyryp, ınternet arqyly proseske qatysady.

Bul prosess Qazaqstannyń bastamasy men talpynysynyń, sondaı-aq jahandyq karantın kezeńinde mundaı tájirıbege jol bergen Anglııada qabyldanǵan zańnyń arqasynda múmkin boldy. Sýdıa aldyn-ala bekitilgen kestege sáıkes tyńdaýdy jalǵastyrý týraly sheshim qabyldaý úshin arnaıy zańnyń kúshine enýin kútýge májbúr boldy.

Qazaqstan Respýblıkasy men Qazaqstan Respýblıkasy Ulttyq Bankiniń Moldova azamattary Anatol Statı, Gabrıel Statı jáne olardyń Ascom Group S.A., Terra Raf Trans kompanııalaryna jáne Bank of New York Mellon (BNYM)-ge qarsy isi boıynsha tyńdaýlar Anglııanyń Joǵarǵy Sotynda ótip jatyr.                                                                    

Qazaqstan Respýblıkasynyń Úkimeti men Ulttyq Banki birlese otyryp Statı men BNYM-ge qarsy BNYM-de saqtalǵan 530 mıllıon AQSh dollaryna ýaqytsha tyıym salýdyń negizderine qatysty talap-aryzdy Anglııanyń Joǵarǵy Sotyna berdi.

Negizgi tyńdaýlar sýdıanyń kestesine 2020 jyldyń naýryzyna engizilgen bolatyn. Alaıda, COVID-19 ǵalamdyq pandemııasyn alǵyshart retinde qoldana otyryp, Statı sot aldynda tyńdaýdy keıinge qaldyrýǵa shaqyrdy. Osy másele boıynsha jaýapker retinde áreket etetin Statıge bul prosesti keıinge qaldyryp, sozý – tıimdi ekenin atap ótken jón. Qazaqstandyq tarap merzimderdi keıinge qaldyrýǵa qarsy bolyp, vırtýaldy sot otyrysyn buryn kelisilgen merzimde ótkizýdi talap etti.

Qazirgi ýaqytta qoljetimdi tehnıkalyq sheshimder ádilet júıesiniń úzdiksiz jumysyn qamtamasyz etýi kerek. Sýdıa qazaqstandyq taraptyń pozısııasyn qoldap, ózi úshin jańa formatta tyńdaýdy ótkizýge uıǵardy.

Osylaısha, qazaqstandyq tarap jarııalanǵan karantınge jáne barlyq prosesterdiń toqtaýyna qaramastan, sheteldik ıýrısdıksııalarda óz múddeleri men quqyqtaryn qorǵaýdy jalǵastyrýda. Ádilet mınıstrliginiń qyzmetkerleri konsýltanttardyń jumysyn qashyqtyqtan úılestire otyryp, osyndaı qıyn kezeńde qyzmet etýdi jalǵastyrýda.

Sońǵy jańalyqtar

Shabyt shaqyratyn shahar

Elorda • Keshe

Aqjaınaq astana

Elorda • Keshe

Ozyq óndiris ornynda boldy

Aımaqtar • Keshe

Dımash pen Djekson

О́ner • Keshe

Uqsas jańalyqtar