Bul týraly aqparattyq-kommýnıkasııalyq ortalyqta ótken brıfıngte Shymkent qalasy tótenshe jaǵdaı shtabynyń ókili Qanat Júnisbekov málimdedi.
Bul betperdelerdiń barlyǵy Shymkent qalasyndaǵy jergilikti kásiporyndarda tigilgen. Munan bólek qala aýmaǵyndaǵy dárihanalarǵa jergilikti jerde óndirilgen 185 myń dana betperde tústi. Tıisti organdar betperde baǵasynyń negizsiz qymbattamaýyn qadaǵalap otyr.
Betperdemen qamtamasyz etý úshin jergilikti kásipkerlermen birge kúnine 100 myńnan astam medısınalyq betperdeler tigilip, qala aýmaǵyndaǵy dárihanalar men bazarlarǵa jetkizilýde.
Betperdeler shyǵaratyn kásiporyndar («Gaýhar», «Azala Textile», «AGF grýpp» JShS-i, «ALATEX» jeńil ónerkásip oryndary)qýattylyǵyn jáne antıseptıkter men basqa da dızınfeksııalyqzattar shyǵaratyn ónimderiniń kólemin arttyrý sharalary qabyldandy. Búgingi tańda betperdelerdiń baǵasy 150-200 teńge kóleminde satylýda. Bul baǵa betperdege ketetin materıaldar men basqa da shyǵyndardy eseptegende shyǵatyn quny.
Qaladaǵy «Mega Pharma» JShS 20 000 myńǵa jýyq betperde men balalarǵa arnalǵan 600 askorbındi qyshqyl dárýmenin taratty. Betperdeler shaharda adam kóp shoǵyrlanǵan oryndarda, atap aıtqanda, Arbat demalys orny, «Jańa shahar» bazary, «Sever» saýda úıi, Qaınarbulaq jáne Saıram eldimekenderinde taratyldy.
