2014 jyly EKSPO-2017 kórmesin ótkizý ázirligine 150 mlrd. teńge bólinedi. Ulttyq qordan bólinetin bul qarjy maqsatty transfert tartý retinde júrgiziledi.
2014 jyly EKSPO-2017 kórmesin ótkizý ázirligine 150 mlrd. teńge bólinedi. Ulttyq qordan bólinetin bul qarjy maqsatty transfert tartý retinde júrgiziledi.
Soltústik Qazaqstanda bıdaı ótkizý naryǵy keńeıip keledi. Oblys boıynsha bıylǵy jyldyń 7 aıynda 1 mln. 235 myń tonna bıdaı tıelip, negizinen Ázerbaıjan, Iran, Ortalyq Azııa jáne Reseı óńirlerine jóneltilgen.
Ońtústik Qazaqstanda egin oraǵy naýqany aıaqtaldy. Bıyl tústik óńir dıqandary gektaryna 20 sentnerden ónim jınap, qambaǵa ótken jylǵydan 200 myń tonna astyqty artyq quıdy. Al kelesi aıdyń sońynda oblys eginshileri kúzgi egisti bastamaq.
Keshe úsh aýyldyq okrýgte ákimderdi qaıta saılaý bolyp ótti. Aýdandyq aýmaqtyq saılaý komıssııalarynyń sheshimderine sáıkes ol Pavlodar oblysynyń eki aýyldyq okrýgi men Mańǵystaý oblysynyń bir aýyldyq okrýgin qamtydy.
Jaıyq qalashyǵyn aspan astyndaǵy murajaıǵa aınaldyrý úshin 1,2 mlrd. teńge kerek. Keshe bul týraly BAQ ókilderimen baspasóz máslıhatynda málimdegen oblys ákimi Nurlan Noǵaev kóne qalashyqtyń tabylýy Oral qalasynyń tarıhy tym áride jatqanyn kórsetetinine toqtaldy.
Pavlodarda «Jumysshy jastar arasynda kásibi boıynsha úzdik - 2013» baıqaýy márege jetti. Oǵan 18 ben 29 jas aralyǵyndaǵy jas mamandar qatysty.Baıqaý laýreattaryna dıplomdar men syılyqtar tabys etildi.
Atyraýda zeınetkerdiń úıine qaraqshylyq shabýyl jasaǵan qaraqshylar ustaldy. Tártip saqshylarynyń aıtýlarynsha, qaskóılerdi mundaı áreketke aparǵan 3,5 myń teńge aqsha men uıaly telefon bolǵan.
Jambyl oblysynda 24 jastaǵy jigit iri kólemdegi marıhýanamen qolǵa tústi. Esirtki bıznesine qarsy kúres basqarmasynyń qyzmetkerleri odan 1 tonna 406 kılo sora tárkilegen.
«QazAqparat», «Qazaqstan jańalyqtary», Bnews.kz, TengriNews,
EgemenNews habarlary boıynsha daıyndaldy.
