Quqyq buzýshylyqtardyń basym kópshiligi (319 fakti) kólik salasynda tirkelip otyr. Iаǵnı, jol belgilerimen nemese joldyń júrý bóligindegi tańbalarmen kórsetilgen talaptardy saqtamaýǵa qatysty – 116; belgilengen jyldamdyqtan asyrý boıynsha – 75; qujattary joq jáne basqarý quqyǵy joq adamnyń kólik quralyn basqarý faktisi boıynsha – 46 zańbuzýshylyq oryn aldy.
Sonymen qatar, tynyshtyqty buzý boıynsha – 22, tirkeýsiz turýǵa qatysty – 91 jáne abattandyrý qaǵıdalaryn buzý boıynsha – 32 derekteri anyqtaldy.
Buǵan deıin, qala aýmaǵynda koronavırýstyq ınfeksııanyń taralýyna jol bermeý jónindegi jedel shtabtyń sheshimimen qosymsha sharalar qabyldanyp, sonyń ishinde adamdar men jeke kólikterdiń qozǵalýyna shekteý qoıylǵan edi. Osyǵan oraı, jeke avtokólikterdi tek erekshe jaǵdaılarda paıdalanýǵa nazar aýdarylýda.
Memlekettik organdarmen qabyldanyp jatqan barlyq sharalar, sonyń ishinde ózin-ózi oqshaýlaý týraly usynymdar, halyq densaýlyǵyn qorǵaýǵa baǵyttalýda. Jáne ár turǵyn óziniń jáne aınalasyndaǵy adamdardyń densaýlyǵynyń qorǵalýyna jaýaptylyqpen qaraýy qajet.
