Onyń basty bir aıǵaǵy bıylǵy 2020 jyldyń alǵashqy toqsanynda Aqtóbe oblysynda memlekettik satyp alýrdan 62 mıllıon teńgeden asa qarajat únemdelgeni. Bul jaǵymdy jaıt aqparattyq taldaý júıesi arqyly júrgizilgen monıtorıng negizinde aıqyndalǵan. Atalǵan júıe qurylǵan kúnnen beri taýarlar men qyzmet túrlerine satyp alý loty jarııalanyp keledi.
Mamandardyń málimdeýinshe, baǵany negizsiz kóteretin memlekettik satyp alý úderisine qatysýshylar avtomattandyrylǵan taldaý arqyly anyqtalyp otyrady. Iаǵnı lottaǵy taýarlar men qyzmetterdiń ortasha baǵasy dál osyndaı taýar ne qyzmet túrin jarııalaǵan ózge lottardaǵy baǵamen avtomatty túrde salystyrylady. Dál osy tusta alshaqtyqqa jol bergen memlekettik organdar men kvazımemlekettik sektor nysandary birden anyqtalady dedi Egemen.kz tilshisine Sybaılas jemqorlyqqa qarsy is-qımyl agenttigi Aqtóbe oblysy boıynsha departamentiniń basshysy Merlan Muhambetov.
Sondaı-aq, onyń aıtýynsha, mundaı baǵa burmalaýshylarǵa jol bergenderge ortasha naryqtyq baǵalardy qoldaný eskertiledi. Soǵan qaramastan memlekettik satyp alý baǵasy quqyqbuzýshylyqqa beıim turady eken. Qazirgi derekter saladaǵy zańbuzýshylyqtar jyl saıyn ósip kele jatqanyn kórsetýi de sondyqtan bolsa kerek.
Aıtalyq ótken 2019 jyly memlekettik satyp alýlar kezinde Aqtóbe oblysy boıynsha 14 quqyqbuzýshylyq anyqtalsa, onyń aldyndaǵy 2018 jyly tek toǵyz derek tirkelgen.
Aqtóbe oblysy
