Jalpy, qazir oblysty qenergetıka jáne turǵyn úı sharýashylyǵy basqarmasynyń málimdeýinshe, oblystaǵy qalalar men aýdandardyń qysqy maýsymǵa daıyndyǵy bekitilgen kestege sáıkes júrgizilýde. Jylý-energetıka jáne turǵyn úı-kommýnaldyq sharýashylyq nysandaryn aldaǵy kúz-qys maýsymyna daıyndaýǵa saı óńirdegi elektr stansalary kúrdeli jóndeýlerden ótipti. Iаǵnı elektrmen qamtý jelileriniń 2462,8 shaqyrymyna jáne 745 qosalqy stansaǵa, 29 qazandyqqa, jylýmen qamtý jelileriniń 25,4 shaqyrymyna, sýmen qamtý jelileriniń 62,1 shaqyrymyna kúrdeli jóndeýler júrgizilip, 2399 turǵyn úıde qysqa daıyndyq jumystary jalǵasýda.
Jalpy, qazir oblysty qenergetıka jáne turǵyn úı sharýashylyǵy basqarmasynyń málimdeýinshe, oblystaǵy qalalar men aýdandardyń qysqy maýsymǵa daıyndyǵy bekitilgen kestege sáıkes júrgizilýde. Jylý-energetıka jáne turǵyn úı-kommýnaldyq sharýashylyq nysandaryn aldaǵy kúz-qys maýsymyna daıyndaýǵa saı óńirdegi elektr stansalary kúrdeli jóndeýlerden ótipti. Iаǵnı elektrmen qamtý jelileriniń 2462,8 shaqyrymyna jáne 745 qosalqy stansaǵa, 29 qazandyqqa, jylýmen qamtý jelileriniń 25,4 shaqyrymyna, sýmen qamtý jelileriniń 62,1 shaqyrymyna kúrdeli jóndeýler júrgizilip, 2399 turǵyn úıde qysqa daıyndyq jumystary jalǵasýda. Al, oblys ortalyǵyn, Ekibastuz qalasyn elektr energııasymen jabdyqtaýshy kompanııa «Pavlodarenergosbyt» seriktestigi oblystaǵy elektr jáne jylý energııasyn óndirýmen, tasymaldaýmen jáne ótkizýmen aınalysatyn «Pavlodarenergo» AQ-tyń enshiles kompanııasy bolyp tabylady. Bul alyp energetıkalyq júıeniń quramyna oblys ortalyǵyndaǵy №2 JEO, №3 JEO, jáne Ekibastuz jylý elektr ortalyǵy, Pavlodar jáne Ekibastuz qalalarynyń jylý jelileriniń búkil kásiporyndary, «Elektrjelilik taratý kompanııasy» AQ jáne «Pavlodarenergosbyt» JShS bar. Elektr taratý jelileriniń uzyndyǵy 15 800 shaqyrym, jylý berý jelileriniń uzyndyǵy 749,5 shaqyrymnan astam. Elektr stansalarynyń qýattylyǵy 627 MVt, jylý energııasy boıynsha 2102 Gkal/saǵatty quraıdy. Sonymen birge, «Pavlodarenergo» AQ elimizdegi iri elektr-energetıkalyq kompanııasy «Ortalyq Azııa elektr-energetıkalyq korporasııasy» AQ-tyń birikken energetıkalyq holdınginiń quramyna kiredi.
Bárinen buryn ókinishtisi sol, keıbir turǵyndar jylý men jaryqtyń qaıdan kelip, qaıdan shyǵyp jatqanyn bilmeı, tegin dúnıedeı kóretinin kommýnaldyq qyzmetterge tólenbegen qaryzdar tiziminen kóremiz. Osy jyldyń 1 maýsymyndaǵy jaǵdaı boıynsha oblys turǵyndarynyń qaryzy 457,9 mıllıon teńgeni qurap otyr. Tutynýshylar jylýmen qamtýǵa 331,9 mıllıon teńge, elektrmen qamtýǵa 90,0 mıllıon teńge, sýmen qamtý qyzmetterine 36,0 mıllıon teńge tólemegen. Budan buryndary da qalalar men aýdandardyń ákimderine merziminen keshiktirilgen qaryzdardy jabý jáne ony boldyrmaý boıynsha tıisti is-sharalar ázirleý jóninde tapsyrmalar berilgen-di. Oblys ákimi Erlan Aryn qalalar men aýdandardyń ákimderine, memlekettik organdar basshylaryna qaryz máselesin baqylaýǵa alyp, 1 qyrkúıekke deıin kórsetilgen kommýnaldyq qyzmetter qaryzyn jabý boıynsha qatań sharalar júrgizýdi, sondaı-aq, shalǵaıdaǵy jáne qala irgesindegi aýyldardyń elektr, sý, jylýmen qamtý nysandaryn nazarǵa alýdy tapsyrǵan bolatyn. Mysaly, Ekibastuzda jylý energııasyna aqy tólemegenderden bereshekti óndirip alý úshin sot oryndaýshylary boryshkerlerdiń úıindegi jylytý qurylǵylaryn alyp tastaýdy bastady. Iаǵnı birinshi kezeńdegi mundaı qatań shara tizimine jylý energııasyna bereshekterdi óndirip alý týraly sot sheshimin oryndamaǵandar ilindi. Sot oryndaýshylarynyń aıtýynsha, bıylǵy jyly qala boıynsha tutynýshylardyń jylý energııasyna merzimi ótip ketken beresheginiń jalpy kólemi 929 mıllıon teńgeni qurap otyrǵan kórinedi. Biz mundaı sharaǵa amalsyzdan baryp otyrmyz. Talap pen tártip bárimizge birdeı. Sondyqtan, jylytý qurylǵylaryn alý tájirıbesi kóp qabatty úıler men jeke menshik sektoryndaǵy úılerde turatyn boryshkerlerge qoldanylady, deıdi «Pavlodarenergosbyt» JShS-nyń Ekibastuz qalasyndaǵy bólimshe bastyǵy Tatıana Zabelına.
Farıda BYQAI,
«Egemen Qazaqstan».
Pavlodar oblysy.
