Shortandy aýdanyndaǵy «Tóńkeris astyq qabyldaý kásiporny» JShS-de «Agrobıznes-2020» baǵdarlamasy aıasynda jańǵyrtylyp, qýattandyrylǵan astyq qoımasy iske qosyldy. Dıqandar qaýymy men ony óńdeýshiler, ásirese, zamanaýı astyq keptirý jáne tazalaý jelisiniń tanystyrylymyna aıryqsha den qoıdy. Mamandardyń baǵalaýynsha, synaq barysynda yryzdyq dániniń ysyrapqa túsýi múmkin bolǵan tómengi shekteýli deńgeıge jaýap bergen.
Shortandy aýdanyndaǵy «Tóńkeris astyq qabyldaý kásiporny» JShS-de «Agrobıznes-2020» baǵdarlamasy aıasynda jańǵyrtylyp, qýattandyrylǵan astyq qoımasy iske qosyldy. Dıqandar qaýymy men ony óńdeýshiler, ásirese, zamanaýı astyq keptirý jáne tazalaý jelisiniń tanystyrylymyna aıryqsha den qoıdy. Mamandardyń baǵalaýynsha, synaq barysynda yryzdyq dániniń ysyrapqa túsýi múmkin bolǵan tómengi shekteýli deńgeıge jaýap bergen.
Jylyna 30 myń tonna ónim qabyldaı alatyn qoıma tolyq ıspandyq tehnologııamen jabdyqtalǵan. Barlyq jumys kompıýter jelisimen basqarylady. Atalǵan jobadaǵy basty erekshelik retinde modem jáne spýtnıktik antennalar arqyly jeli jumysy tikeleı Ispanııadan baqylanyp otyratyndyǵyn aıtý qajet. Mundaı monıtorıng sheteldik jabdyqtaýshynyń jeliniń toqtaýsyz qyzmetine kepildik beredi.
Astyq qoımasyn jańǵyrtýǵa 418 mıllıon teńgeden astam qarjy jumsalsa, ınvestısııalyq jobaǵa «QazAgroQarjy» AQ pen shortandylyq kásiporyn ujymy belsene qatysty. Jobanyń tabystylyǵy onyń temir jolǵa jaqyndyǵymen jáne kelesi jyly kásiporynǵa shoıyn jol butaqtary tartylatyndyǵymen baılanystyrylýda. Sondaı-aq, munda 50 jumys ornynyń ashylýy aýyl turǵyndaryn qýanyshqa bóledi.
Baqbergen AMALBEK,
«Egemen Qazaqstan».
Aqmola oblysy,
Shortandy aýdany.
