О́ziniń ǵana emes, ózgeniń de qamyn oılaǵan 63 jastaǵy zeınetker osy oblystaǵy Qazaqstan halqy Assambleıasynyń janynan qurylǵan Mahambet aýdanynyń Analar keńesiniń tóraǵasy. Ol elimizde Tótenshe jaǵdaı jarııalanǵannan bastap, úıindegi mata-jipterin jınap, betperde tige bastaǵan. Alǵashqyda otbasy múshelerine tikken ana kóshede saqtanbaı júrgen aýyldastaryn kórip, olarǵa da betperdelerdi tigip berýdi qolǵa alypty. Eki kún ishinde 11 jasar nemeresi Baqnurmen birge 50-ge jýyq betperde tigip, kórshilerine taratty.
– Osyndaıda bir-birimzge janashyrlyq tanytpaǵanda qashan tanytamyz. Men tigemin, 4-shi synypta oqıtyn nemerem útikteıdi. Saqtaný sharalaryn qolǵa almaǵan aýyldastyrymdy terezeden kórsem, shaqyryp alyp, qoldaryna ustatyp jiberip jatyrmyn. Eger kórshim aýyrmasa, men de aýyrmaımyn, – deıdi J.Shamalıqyzy.
Tiginshi ájeı aýyl klýbynyń basshysyna habarlasyp, onda jas eriktilerge betperdeler tiktirip, turǵyndarǵa taratýdy usynǵan. Aldaǵy ýaqytta ózi de matalarǵa tapsyrys berip, úıden bet perde tigýdi jalǵastary berýdi josparlap otyr.
