Qazaqstan • 01 Sáýir, 2020

14 otbasyǵa qol ushyn sozdy

31 ret kórsetildi

Atyraý oblysyndaǵy Qazaqstan halqy Assambleıasynyń janynan qurylǵan Qoǵamdyq kelisim keńesi men etno mádenı birlestikterdiń músheleri elimizdegi Tótenshe jaǵdaı kezinde múqtaj otbasylarǵa qol ushyn sozýda.

Jýyrda atalǵan Qoǵamdyq keńestiń músheleri men «Bylına» etnomádenı birlestigi jalǵyz qalǵan qarııalarǵa jáne múmkindigi shekteýli balalary bar 14 otbasyǵa azyq-túlik taratyp, ár otbasyǵa 20000 teńgeden qarjylaı kómek kórsetti.

Elde jarııalanǵan tótenshe jaǵdaıǵa baılanysty atalǵan sanattaǵy azamattyrdyń jaǵdaıyn eskere otyryp, kómek berý sharasyn uıymdastyrǵan Qoǵamdyq kelisim keńesiniń tóraǵasy Nurjan Ermuhanovtyń aıtýynsha, bul otbasylar qaladan shalǵaı jatqan Damby, Geolog, Hımposelok, Almagúl, Balyqshy, Avangard móltek aýdandarynda ornalasqan.

– Búginde álem indetten qorǵanyp jatyr. Osyndaı qıyn-qystaý shaqta birlesip, bir-birimizge kómek bergenimiz durys. Janashyrlyq tanytyp, qolymyzdan kelgenshe kómekteseıik. Búgin biz de shyn nıetpen qoı soıyp, muqtaj jandarǵa tarattyq, qarjylaı kómek kórsettik, – deıdi «Bylına» etnomádenı birlestiginiń jetekshsi A.Korablev.

Sońǵy jańalyqtar

Erteń Qazaqstan quramasy Beıjińge attanady

Qysqy sport • Búgin, 11:15

Uqsas jańalyqtar