Kafedralar qatary tolyǵa túsýde

Memlekettik joǵary oqý oryndarynda buryndary jabylyp qalǵan Qazaqstan tarıhy kafedralaryn qalpyna keltirý, sol sııaqty derbes Qazaqstan tarıhy kafedralaryn qurý maqsatynda monıtorıng júrgizildi. Monıtorıng Qazaqstan tarıhy kafedralarynyń 19 memlekettik JOO-larda, onyń ishinde 6 ulttyq jáne 13 memlekettik JOO-larda qaıta qalpyna keltirý jáne jańadan qurý qajet bolatynyn kórsetti.

Memlekettik joǵary oqý oryndarynda buryndary jabylyp qalǵan Qazaqstan tarıhy kafedralaryn qalpyna keltirý, sol sııaqty derbes Qazaqstan tarıhy kafedralaryn qurý maqsatynda monıtorıng júrgizildi. Monıtorıng Qazaqstan tarıhy kafedralarynyń 19 memlekettik JOO-larda, onyń ishinde 6 ulttyq jáne 13 memlekettik JOO-larda qaıta qalpyna keltirý jáne jańadan qurý qajet bolatynyn kórsetti.

Ústimizdegi jyldyń maýsym-shilde aılarynda 19 JOO osy tapsyrmany oryndap shyqty. Olardyń qatarynda Q.Sátbaev atyndaǵy Qazaq ulttyq tehnıkalyq ýnı­versıteti, Qazaq ulttyq agrarlyq ýnı­ver­sıteti, T.Júrgenov atyndaǵy Qazaq óner akademııasy, S.Asfendııarov atyndaǵy Qazaq ulttyq medısına ýnıversıteti, Qurmanǵazy atyndaǵy ulttyq konservatorııa sııaqty 6 ulttyq JOO men Sh.Esenov atyndaǵy Kaspıı memlekettik tehnologııalar jáne ınjınırıng ýnıversıteti, M.Qozybaev atyndaǵy Soltústik Qazaqstan memlekettik ýnıversıteti, Semeı qalasyndaǵy Memlekettik medısınalyq ýnıversıtet, M.Ospanov atyndaǵy Batys Qazaqstan memlekettik medısına ýnıversıteti, Qaraǵandy memlekettik ındýstrııalyq ýnıversıteti, Rýdnyı ın­dýstrııalyq ınstıtýty, Ońtústik Qazaqstan memlekettik farmasevtıkalyq akademııasy, D.Serikbaev atyndaǵy Shyǵys Qazaqstan mem­lekettik tehnıkalyq ýnıversıteti, Jáńgir han atyndaǵy Batys Qazaqstan agrar­lyq-tehnıkalyq ýnıversıteti, Qaraǵandy mem­lekettik medısına ýnıversıteti, M.Dýlatı atyndaǵy Taraz memlekettik ýnıversıteti sııaqty 13 memlekettik JOO bar.

Jańa kafedralardyń kadrlyq áleýeti 128 professorlyq-oqytýshylyq quram­nan, onyń ishinde 9 ǵylym doktorynan, 73 ǵylym kandıdattarynan turady. Ǵy­lymı dárejelilik 64 paıyzdy quraıdy.

Jańa kafedralardyń maqsattary men mindetteri:

1. JOO kýrsyn tarıh jáne tarıhı bilim­derdi, oqıǵalar hronıkalaryn júıeli zerdeleýge baǵyttaý;

2. Tarıhtyń teorııasy men metodologııasy, tarıhı tanymnyń qazirgi zamanǵy qurylymy, tarıhı mektepter men baǵyttar problemalary boıynsha jalpy jáne arnaıy kýrstar daıyndaý;

3. Qazaqstandyq jastardyń boıynda tarıhı sanany, qazaqstandyq patrıotızmdi, salt-dástúrlerge, memlekettik rámizderge, óz ólkesiniń tarıhyna qurmetpen qaraýdy qalyptastyrý;

4. Tarıhı bilimderdi nasıhattaý, jandy, tartymdy tilmen jazylǵan irgeli oqýlyq­tar­dy daıarlaý jolymen olardy keńinen taratý.

Búginde JOO-larda Qazaqstan tarıhy boıynsha jańa oqý baǵdarlamalaryn taldaý jáne ázirleý jóninen, sol sııaqty bilim berý úderisinde ozyq tehnologııalardy paıdalaný boıynsha jumys toptary quryldy.

Bútindeı alǵanda, búgingi kúni 59 JOO-da, onyń ishinde 9 ulttyq, 31 memlekettik, 1 halyqaralyq, 9 aksıonerlengen, sol sııaqty 9 jeke menshik JOO-larda Qazaqstan tarıhy kafedralary bar.

Mereke TAŃATAROV.