Jalpy halyqaralyq mańyzǵa ıe «Tashkent-Almaty-Termez» tas jolyndaǵy «Aqjar» «Shymkent-Samara» baǵytyndaǵy ıaǵnı qaladan Túrkistanǵa shyǵatyn «Badam» beketi men «Batys Eýropa-Batys Qytaı» kólik dálizine qosylatyn «Bozaryq» beketterin aralap kórdi.
Murat Dúısenbekuly birinshi kezekte barlyq beketterde «Jasyl dáliz» uıymdastyrýdy tapsyrdy. Ol jerden tirshilikti qamtamasyz etetin kólikter azyq-túlik tasymaldaýshy mashınalar men tranzıttik júk kólikteri basqa da arnaıy tehnıkalar kedergisiz ótedi.
Kólik júrgizýshileri men onyń salonyndaǵy jolaýshy mindetti túrde tirkeýge alynyp, medısınalyq qurylǵymen tekserilip ótkiziledi. Blok-beketterde medısınalyq qyzmetkerler men quzyrly organ ókilderi ákimshilik qyzmetkerleri de aýysymmen táýlik boıy qyzmet atqaryp jatyr.
Murat Áıtenov blok-beketterde turǵan jolaýshylarǵa shekteý kezindegi talaptardy saqtap úılerine qaıtýǵa keńes berdi. О́ıtkeni qala aýmaǵy úlken, mıllondy halqy bar. Oǵan qosa shekteý qoıylǵan kúnniń ózinde qala arqyly arly-beri 200 myńǵa jýyq halyq qatynaıdy eken. Shymkent toǵyz joldyń torabynda jatyr. Sondyqtan qala ákimi qaýipsizdik sharalaryn barynsha kúsheıtýge shaqyrdy.
Qazir qalada 18 blok-beketteri táýlik boıy jumys istep tur.
Shymkent
