«Jalpy belgilengen tártipte jumys isteıtin jeke kásipkerler úshin 2020 jyldyń 1 maýsymyna deıin salyq jáne bıýdjetke tólenetin basqa da mindetti tólemder, áleýmettik tólemder boıynsha keıinge qaldyrý usynyldy. Salyq jáne bıýdjetke tólenetin basqa da mindetti tólemder boıynsha barlyq bereshek boıynsha 27 naýryzdaǵy jaǵdaı boıynsha tólemder keıinge qaldyrylady, tóleý merzimi 2020 jyldyń 1 maýsymyna aýystyryldy», dedi Berik Sholpanqulov.
Onyń aıtýynsha, salyq, keden jáne áleýmettik tólemder boıynsha bereshekti óndirip alý sharalary toqtatyldy.
«Bereshek týyndaǵan kezde bereshekti óteý týraly habarlama qoıylmaıdy jáne májbúrlep óndirip alý sharalary qabyldanbaıdy, esep aıyrysý shottary jabylmaıdy jáne múlik sıpattalmaıdy. Tótenshe jaǵdaı kezeńinde bolatyn kameraldyq baqylaý boıynsha habarlamany oryndaý merzimderi uzartyldy. 15 naýryzdan 15 sáýirge deıingi merzimde oryndaýdy talap etetin kameraldyq baqylaý boıynsha habarlamalar oryndaý merzimi 1 maýsymǵa aýystyryldy.Tótenshe jaǵdaı kezinde memlekettik kiris organdary júzege asyratyn tekserýlerdi júrgizý merzimi toqtatyldy», vıse-mınıstr.
