Bul indettiń úreıi, daqpyrty bir bólek bolyp tur. Qaýipti ınfeksııany juqtyrǵandardyń kún sanap artyp bara jatqany alańdatyp otyr. Osy oraıda Q.Toqaev óz sózinde indetti juqtyrǵan azamattarǵa qoldaý bildiretinin, aýrý qaýipti bolǵanmen, odan emdelýge bolatynyn jáne bul úshin barlyq jaǵdaı jasalatynyn aıtyp, olardy esh moıymaýǵa shaqyrdy. Bul – qazirgi qoǵamǵa zor qoldaý. Sondyqtan osyndaı ýaqytsha qıyndyq kezeńinde dúrbeleń týdyrýǵa jol berilmeýi tıis. Árbir ujym, árbir azamat osyndaı asa mańyzdy kezeńde memleketke qoldaý kórsetýi kerek.
Memleket basshysynyń tapsyrmasyn oryndaýǵa bizdiń ýnıversıtetimiz de óz úlesin qosýda. Atap aıtsaq, Qoja Ahmet Iаsaýı atyndaǵy Halyqaralyq qazaq-túrik ýnıversıteti Prezıdenttiń tótenshe jaǵdaı engizý týraly Jarlyǵyna baılanysty oqý prosesin tolyǵymen qashyqtan oqytý rejimine aýystyrýdy óz ýaqytynda ári joǵary deńgeıde uıymdastyrdy. Buǵan ýnıversıtetimizde sońǵy 5 jyldan beri sátti jumys isteıtin ári magıstratýra baǵdarlamasy boıynsha tolyq aprobasııadan ótken KazTEP (Qazaq tilinde qashyqtyqtan bilim berý) qashyqtan oqytý júıesi sebep boldy. Bul júıe qashyqtan oqytý boıynsha Túrkııa tájirıbesi negizinde túrkııalyq mamandarmen birlese qurylǵan. Budan bólek stýdenttermen keri baılanys ornatý maqsatynda Call ortalyq jumys isteıdi.
Bolatbek ÁBDIRÁSILOV,
Qoja Ahmet Iаsaýı atyndaǵy Halyqaralyq qazaq-túrik ýnıversıtetiniń rektory
