QHL-diń áleýmettik jelilerinde uıymdastyrylǵan onlaın daýys berý júıesinde Novosibirdiń «Sıbır» komandasymen synǵa túsken «Barys» birde-bir saýaldamada jeńiske jete almady. Alǵashqy eki daýys berý matchyna «Barys» jankúıerleri ereje buzǵany úshin 50 paıyz daýys shegerip tastaǵan bolatyn. Al keıingi eki oıynda aıqyn basymdyqpen jeńildi.
Endi Shyǵys konferensııasynyń vırtýaldy fınalynda «Sıbır» men «Salavat Iýlaev» kezdesse, Batys aımaǵynyń fınalynda Fınlıandııanyń «Iokerıti» men Máskeýdiń «Dınamo» komandasy synǵa túsedi.
Aıta keteıik, 16 naýryzda «Barys» Gagarın kýbogy jarys jolynan pandemııaǵa baılanysty shyǵyp qalǵan bolatyn. Al 17 naýryzda QHL jarystardyń ýaqytsha toqtaǵanyn habarlap, keıinnen maýsymnyń aıaqtalǵanyn jarııalady. Keıinnen QHL basshylyǵy maýsymdy sońyna jetkizý jáne jeńimpazdy anyqtaý úshin ekinshi pleı-off kezeńine joldama alǵan komandalar arasynda áleýmettik jelilerde saýaldama uıymdastyrdy.
