«Balalar Daryn online qosymshasyna tirkelip, tıisti bilim alýda. Onda oqýshylarǵa arnaıy daıyndalǵan vıdeo sabaqtar bar. Olar sol vıdeo sabaqtaǵy tapsyrmalardy oryndap, pán boıynsha suraqtarǵa jaýap beredi. Eger durys jaýap berilmese, onda qaıtadan vıdeony qarap qateliktermen jumys isteýge múmkindik bolady. Odan keıin muǵalim bergen tapsyrmalarmen jumys isteıdi. Osyndaı platformamen búgin naqty 300 myńǵa jýyq bala tirkelip, jumys istedi», dedi Ashat Aımaǵambetov.
Sondaı-aq ol Bilim land platformasynyń jumysy jaıynda aıtty.
«Bilim land - ustazdar men oqýshylarǵa arnalǵan tanymal platformalardyń biri. Ol arqyly búgin 400 myńnan astam oqýshy jumys istedi. Bul platformanyń jumysy da óte qyzyq. «El arna», «Balapan» telearnalarynan kórsetilip jatqan barlyq sabaqtardy qarap, sol sabaq boıynsha oqý josparynyń sheńberinde tıisti suraqtar beriledi. Sondaı-aq onda túrli tapsyrmalar bar. Qajet bolǵan jaǵdaıda muǵalimder qosymsha taǵy ózderiniń tapsyrmalaryn bere alady», dedi mınıstr.
