2013 jylǵy 26 tamyz, Astana, Úkimet Úıi
Kólik quralynyń sáıkestendirý nómiri boıynsha kólik quraldarynyń jekelegen túrlerin memlekettik tirkeý jáne esepke alý qaǵıdalaryn bekitý týraly
«Jol júrisi qaýipsizdigi týraly» 1996 jylǵy 15 shildedegi Qazaqstan Respýblıkasy Zańynyń 6-babyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Kólik quralynyń sáıkestendirý nómiri boıynsha kólik quraldarynyń jekelegen túrlerin memlekettik tirkeý jáne esepke alý qaǵıdalary bekitilsin.
2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri S.AHMETOV.
Qazaqstan Respýblıkasy Úkimetiniń 2013 jylǵy 26 tamyzdaǵy №851 qaýlysymen bekitilgen
Kólik quralynyń sáıkestendirý nómiri boıynsha kólik quraldarynyń jekelegen túrlerin memlekettik tirkeý jáne esepke alý qaǵıdalary
1. Jalpy erejeler
1. Kólik quralynyń sáıkestendirý nómiri boıynsha kólik quraldarynyń jekelegen túrlerin memlekettik tirkeý jáne esepke alý qaǵıdalary (budan ári – Qaǵıdalar) kólik quralynyń sáıkestendirý nómiri boıynsha kólik quraldaryn tirkeýdiń jáne esepke alýdyń biryńǵaı tártibin belgileıdi.
2. Qaǵıdalar halyqaralyq qozǵalysqa qatysatyn basqa memlekettiń quzyretti organynda tirkelgen jáne Qazaqstan Respýblıkasyna eki aıdan aspaıtyn merzimge ákelingen kólik quraldaryna qoldanylmaıdy.
3. Qarýly kúshterdiń, Qazaqstan Respýblıkasynyń basqa áskerleri men áskerı qurylymdarynyń kólik quraldary qorǵanys isteri jónindegi ýákiletti organ belgileıtin tártippen tirkeledi.
4. Osy Qaǵıdalarda mynadaı uǵymdar paıdalanylady:
1) Qazaqstan Respýblıkasy Syrtqy ister mınıstrliginiń dıplomatııalyq korpýsymen jumys jónindegi uıym – Qazaqstan Respýblıkasynda tirkelgen dıplomatııalyq ókildiktermen, halyqaralyq uıymdarmen jáne/nemese olardyń ókildikterimen, konsýldyq mekemelermen jáne Qazaqstan Respýblıkasynda akkredıttelgen olardyń qyzmetkerlerimen jumys jónindegi Qazaqstan Respýblıkasy Syrtqy ister mınıstrliginiń ýákiletti uıymy;
2) kólik quraldaryn jáne olarǵa tirkemelerdi memlekettik tirkeý (budan ári – kólik quraldary) – tirkeý qujattaryn jáne memlekettik tirkeý nómiri belgilerin (budan ári – MTNB) bere otyryp, kólik quraldarynyń jekelegen túrleriniń jalpy paıdalanýdaǵy joldar boıynsha jol qozǵalysyna qatysýyna ruqsat berýdi júzege asyrý maqsatyndaǵy ishki ister organdarynyń (budan ári – IIO) qyzmeti;
3) kólik quralyn esepten shyǵarý – menshik ıesi mekenjaıynyń ózgerýine baılanysty kólik quralynyń tirkelgen jerin ózgertýge, menshik quqyǵynyń ózgerýine baılanysty ıelený quqyǵyn toqtatýǵa, keıinnen mámile jasaýǵa, kádege jaratýǵa (jaramsyz dep belgileýge, esepten shyǵarýǵa), ıesiniń ótinishi boıynsha jol qozǵalysyna qatysýǵa ruqsatty ýaqytsha toqtatýǵa, ýaqytsha áketýdi qospaǵanda, kólik quralyn Qazaqstan Respýblıkasynan tys jerlerge áketýge, kólik quralyn menshik ıesiniń zańdy ıeliginen shyǵarýǵa (aıdap áketý, urlaý) baǵyttalǵan IIO qyzmeti;
4) kólik quraldaryn memlekettik tirkeýdiń biryńǵaı aqparattyq júıesi (budan ári - BAJ) – kólik quraldarynyń sáıkestendirý nómiri mindetti túrde kórsetilgen kólik quraldary jáne olardyń ıeleri, sondaı-aq kólik quraldaryn tirkeý týraly berilgen kýálikter (budan ári – KQTK) jáne MTNB týraly málimetterdi ortalyqtandyrylǵan esepke alýdy qamtamasyz etetin memlekettik aqparattyq júıe;
5) kólik quraldaryn tirkeýdegi ózgerister – azamattyq zańnamada belgilengen quqyqtyq negizder bolǵan kezde BAJ (eseptik málimetter) jáne MTNB-ge ózgerister men tolyqtyrýlar engizý;
6) kólik quralynyń sáıkestendirý nómiri – BAJ-da kólik quralyn sáıkestendirýdi júrgizýge múmkindik beretin, kólik quralyn shyǵarýshy bergen, tizbektelgen áriptik-sıfrlyq belgiler túrinde kórsetilgen kólik quralynyń jeke serııalyq nómiri;
7) kólik quralynyń ıesi – azamattyq zańnamaǵa sáıkes kólik quralynyń menshik ıesi, sondaı-aq kólik quralyn sharýashylyq júrgizý quqyǵynda nemese jedel basqarý quqyǵynda ıelenetin adam;
8) KQTK – ózgerister BAJ arqyly ǵana engiziletin jol qozǵalysyna qatysýǵa ruqsatty rastaıtyn qujat;
9) MTNB – memlekettiń menshigi bolyp tabylatyn jáne jol qozǵalysy qaýipsizdigi salasyndaǵy ýákiletti organ kólik quralyna beretin jáne tehnıkalyq retteý jáne metrologııa jónindegi ýákiletti organ bekitken standart talaptaryna sáıkes jasalǵan jeke áriptik-sandyq belgini qamtıtyn BAJ-da tirkelgen ón
