2013 jylǵy 24 sáýir, Astana qalasy
Qazaqstan Respýblıkasynyń shekaralyq aımaǵynda turaqty turatyn sheteldikter men azamattyǵy joq adamdarǵa shekara aımaǵy turǵynynyń kýáligin berý qaǵıdasyn bekitý týraly
«Qazaqstan Respýblıkasynyń memlekettik shekarasy týraly» Qazaqstan Respýblıkasy Zańynyń 59-babynyń 2) tarmaqshasyna sáıkes buıyramyn:
1. Qosa berilip otyrǵan Qazaqstan Respýblıkasynyń shekaralyq aımaǵynda turaqty turatyn sheteldikter men azamattyǵy joq adamdarǵa shekara aımaǵy turǵynynyń kýáligin berý qaǵıdasy bekitilsin.
2. Mynalardyń:
1) «Shekaralyq aımaqqa kelýge jáne onda turýǵa Ruqsattama men ruqsat berý tártibi týraly nusqaýdy bekitý týraly» Qazaqstan Respýblıkasy Ishki ister mınıstriniń 1994 jylǵy 4 sáýirdegi №92 buıryǵynyń (Normatıvtik quqyqtyq aktilerdi memlekettik tirkeý tiziliminde №97 bolyp tirkelgen);
2) «Shekaralyq aımaqqa kelýge jáne onda turýǵa Ruqsattama men ruqsat berý tártibi týraly nusqaýdy bekitý týraly» Qazaqstan Respýblıkasy Ishki ister mınıstriniń mindetin atqarýshynyń 1994 jylǵy 4 sáýirdegi №92 buıryǵyna ózgerister engizý týraly» (Normatıvtik quqyqtyq aktilerdi memlekettik tirkeý tiziliminde №3824 bolyp tirkelgen, 2006 jylǵy 27 qańtarda «Zań gazetiniń» №13-14 (993-994) sanynda jarııalanǵan) buıryǵynyń kúshi joıyldy dep tanylsyn.
3. Qazaqstan Respýblıkasy Ishki ister mınıstrliginiń Kóshi-qon polısııasy departamenti:
1) osy buıryqty Qazaqstan Respýblıkasynyń Ádilet mınıstrliginde memlekettik tirkeýdi;
2) belgilengen tártippen osy buıryqty resmı jarııalaýdy;
3) osy buıryqty Qazaqstan Respýblıkasy Ishki ister mınıstrliginiń ınternet-resýrsynda ornalastyrýdy qamtamasyz etsin.
4. Osy buıryqtyń oryndalýyn baqylaý Qazaqstan Respýblıkasy Ishki ister mınıstriniń orynbasary E.Z. Týrgýmbaevqa jáne Qazaqstan Respýblıkasy Ishki ister mınıstrliginiń Kóshi-qon polısııasy departamentine júktelsin.
5. Osy buıryq alǵash resmı jarııalanǵan kúnnen bastap kúntizbelik on kún ótken soń qoldanysqa engiziledi.
Mınıstr Q.QASYMOV.
Qazaqstan Respýblıkasy Ishki ister mınıstriniń
2013 jylǵy 24 sáýirdegi №281 buıryǵymen bekitilgen
Qazaqstan Respýblıkasynyń shekaralyq aımaǵynda turaqty turatyn sheteldikter men azamattyǵy joq adamdarǵa shekara aımaǵy turǵynynyń kýáligin berý qaǵıdasy
1. Osy Qazaqstan Respýblıkasynyń shekaralyq aımaǵynda turaqty turatyn sheteldikter men azamattyǵy joq adamdarǵa shekara aımaǵy turǵynynyń kýáligin berý qaǵıdasy (budan ári – Qaǵıda) «Qazaqstan Respýblıkasynyń memlekettik shekarasy týraly» Qazaqstan Respýblıkasynyń Zańyna sáıkes ázirlendi jáne Qazaqstan Respýblıkasynyń shekaralyq aımaǵynda turaqty turatyn sheteldikter men azamattyǵy joq adamdarǵa shekara aımaǵy turǵynynyń kýáligin (budan ári - shekara aımaǵy turǵynynyń kýáligi) berý tártibin belgileıdi.
2. Qazaqstan Respýblıkasynyń shekaralyq aımaǵynda turaqty turatyn sheteldikter men azamattyǵy joq adamdarǵa shekara aımaǵy turǵynynyń kýáligin olardyń tirkelgen orny boıynsha ishki ister organdary osy Qaǵıdaǵa 1-qosymshaǵa sáıkes beredi.
Shekaralyq aımaq turǵynynyń kýáligi turýǵa yqtııarhat pen azamattyǵy joq adamdar kýáliginiń jaramdylyq merziminen aspaıtyn merzimge beriledi.
3. Sheteldiktiń jańa turýǵa yqtııarhatyn nemese azamattyǵy joq adamnyń kýáligin alǵan kezde shekara aımaǵynyń turǵyny kýáliginiń jaramdylyq merzimi taǵy da osyndaı merzimge uzartylady.
4. Shekaralyq aımaq turǵyny kýáligin uzartqan jaǵdaıda ol kóshi-qon polısııasynyń ýákiletti qyzmetkeriniń qolymen jáne aýmaqtyq ishki ister organynyń eltańbaly mórimen rastalady.
5. Árbir shekaralyq oblysqa arnaıy serııadaǵy kýálik bekitiledi:
Almaty oblysy – «AO»;
Shyǵys Qazaqstan oblysy – «ShQ».
6. Berilgen shekara aımaǵy turǵynynyń kýáligi shekara aımaǵy turǵynynyń kýáligin tirkeý jýrnalyna osy Qaǵıdaǵa 2-qosymshaǵa sáıkes nysan boıynsha tirkeledi.
7. Árbir resimdelgen kýálikke Qazaqstan Respýblıkasynyń qalalary men aýdandarynyń standarttyq kodyna sáıkes aýdannyń (qalanyń) úshtańbaly kodynan turatyn nómir jáne bólshek arqyly – tirkeý jýrnaly boıynsha rettik nómiri beriledi.
Barlyq kodtar, sondaı-aq tirkeý mekenjaılary jáne olarda qabyldanǵan qysqartýlar «Qazaqstan Respýblıkasynyń halqyn qujattandyrý jáne tirkeýdiń keıbir máseleleri týraly» Qazaqstan Respýblıkasy Ishki ister mınıstriniń 2011 jylǵy 28 qarashadaǵy № 631 buıryǵymen (Normatıvtik quqyqtyq aktilerdi memlekettik tirkeý tiziliminde № 7324 bolyp tirkelgen) bekitilgen Qa
zaqstan Respýblıkasynyń halqyn qujattandyrý jáne tirkeý qaǵıdalaryn qoldaný týraly nusqaýlyqqa 9-qosymshaǵa sáıkes nysan boıynsha kodtar men qysqartýlardyń anyqtamalyǵyna sáıkes kórsetiledi.
8. Shekara aımaǵy turǵynynyń kýáligin alý úshin turaqty turatyn sheteldikter men azamattyǵy joq adamdar:
1) tıisti ishki ister organy basshysynyń atyna tegin, atyn jáne bolǵan jaǵdaıda ákesiniń aty kórsetile otyryp toltyrylǵan, tirkeý orny boıynsha erkin nysanda ótinish;
2) sheteldiktiń turýǵa yqtııarhatyn, azamattyǵy joq adamnyń kýáligin (on alty jasqa deıingi balalar – týý týraly kýálik);
3) 3,5 h 4,5 santımetr eki fotosýret usynady.
9. Shekara aımaǵy turǵynynyń kýáliginde azamattyń tegi, aty jáne bolǵan jaǵdaıda ákesiniń aty, týǵan kúni týraly málimetter jazylady. Fotosýret ishki ister organynyń eltańbaly mórimen rastalady, turǵylyqty jeri boıynsha tirkelgen mekenjaıy tolyq kórsetiledi. «Bergen organ» baǵanynda ishki ister organynyń ataýy kórsetiledi.
10. Shekara aımaǵy turǵynynyń kýáligin berý merzimi shekara aımaǵy turǵynynyń kýáligin berý týraly ótinish tirkelgen kúnnen bastap kúntizbelik 10 kúndi quraıdy.
11. Sheteldik turýǵa yqtııarhatyn, azamattyǵy joq adamnyń kýáligin ne bolmasa shekara aımaǵy sheginde tirkeý ornyn ózgertken kezde shekara aımaǵy turǵynynyń kýáligi tıisinshe aýystyrýǵa jatady.
12. Shekara aımaǵynan tys jerge shyǵýmen baılanysty tirkelgen orny aýysqan kezde shekara aımaǵy turǵynynyń kýáligin tıisti ishki ister organy alady.
13. Osy Qaǵıdanyń 8-tarmaǵynda kórsetilgen qujattardyń tolyq tizbesin usynbaý shekara aımaǵy turǵynynyń kýáligin berýden bas tartý úshin negiz bolyp tabylady.
Qazaqstan Respýblıkasynyń shekaralyq aımaǵynda turaqty turatyn sheteldikterge jáne azamattyǵy joq tulǵalarǵa shekara aımaǵy turǵynynyń kýáligin berý qaǵıdasyna 1-qosymsha
nysan
Shekara aımaǵy turǵynynyń kýáligi
(kólemi 80 h 110)
Aldyńǵy beti
Shekara aımaǵy turǵynynyń kýáligi
_______________ SP N __________________________
| | _______________________________
| | Tegi
| | _______________________________
| FOTO Aty
| | _______________________________
| | Ákesiniń aty
| | _______________________________
| | týǵan kúni
|_______________| _______________________________
sheteldiktiń týrýǵa yqtııarhatynyń, azamattyǵy joq
týlǵa kýáliginiń, týý týraly kýáliginiń nómiri ________________
M.O.
Artqy beti
__________________________________________________
__________________________________________________
__________________________________________________
Tirkelgen mekenjaıy
Qoldaný merzimi_____________________________deıin
Berilgen kúni 20__jylǵy «___» ______________________
_________________________________________________
Kýálikti bergen organ
___________ deıin uzartyldy
laýazymdy tulǵanyń qoly
M.O.
Qazaqstan Respýblıkasynyń shekaralyq aımaǵynda turaqty turatyn sheteldikter men azamattyǵy joq adamdarǵa shekara aımaǵy turǵynynyń kýáligin berý qaǵıdasyna 2-qosymsha
nysan
Shekaralyq aımaq turǵynynyń kýáligin tirkeý jýrnaly
r/s
№ Berilgen kúni Shekara aımaǵy týrǵyny kýáliginiń serııasy, nómiri Alýshynyń T.A.Á. Tirkeý mekenjaıy Alýshynyń qoly
1 2 3 4 5 6
Buıryq Qazaqstan Respýblıkasynyń Ádilet mınıstrliginde 2013 jylǵy 24 mamyrda Normatıvtik quqyqtyq kesimderdi memlekettik tirkeýdiń tizilimine №8473 bolyp engizildi.
