Sandyqtaý aýdanynyń ortalyǵy Balkashın selosyna ózen ańǵarynan asyp aqtaryla aqqan qyzyl sý enip úlgerdi. Ondaǵan bir qabatty turǵyn úıler sý astynda qaldy. Ázirge irgetastyń ǵana deńgeıinde. О́zen jańa ǵana tasyp jatyr. Arydan quıylǵan qarǵyn sý molaısa, qaýip te eselene túspek. Tótenshe jaǵdaılar departamentiniń jedel otrıady ile jetip, 2000 tekshe metrge jýyq sýdy aǵyzyp úlgerdi. О́zendegi keptelgen muzdy jaryp, qarǵyn sýǵa jol ashý jumystary júrgizilýde.
Bulandy aýdanynda da qyzyl sýdan qaýip kúsheıip tur. Mat ózenindegi kópir mańyna seń jınalyp, aǵyn sýǵa bóget bolýda. Bul mańda da arnasyn tappaǵan aǵyn sý lyqyldap tur. Kópir arqyly ótetin aınalma dala joly ázirge jabyq.
Keshegi daýyldan soń qylamyqtap qar jaýyp, kún salqyndady. Sýdyń qatýy tasqynnyń betin qaıtarýǵa sál de bolsa tosqaýyl bolyp turǵan jaıy bar.
Sandyqtaý aýdany,
Aqmola oblysy
