Rýhanııat • 08 Sáýir, 2020

Teatr ár úıde: «Astana Opera» tildesýge shaqyrady

46 ret kórsetildi

Opera jáne balet óneriniń jankúıerleri úılerinen shyqpaı-aq ózderi úshin «Astana Operanyń» ınternet-jobalaryn tańdap ári olardyń tolyqqandy qatysýshylary bola alady.

Elordalyq sahnanyń tanymal ártisteri «Saýalyńdy jolda» aıdarynda áńgime-dúken qurýǵa shaqyrady. Atalǵan joba 8 sáýirden bastap qoljetimdi bolmaq, oǵan kez kelgen nıet bildirgen adam qatysa alady. Juldyzben tikeleı efırde júzdesý múmkindigine ıe bolý úshin, «Astana Operanyń» ınstagram áleýmettik jelisine kirip, teatr paraqshasynda súıikti oryndaýshyńyzǵa saýal qaldyrý qajet. Karantın kezeńinde Talǵat Musabaev, Gaýhar Ýsına, Baqtııar Adamjan, Saltanat Ahmetova jáne t.b. ózderiniń shyǵarmashylyq syrlarymen bólispek. Eske salar bolsaq, budan buryn atalmysh joba beıneformatta júrgizilgen bolatyn, al endi solıstermen naqty ýaqyt rejıminde jandy suhbat qurý múmkin bolyp otyr.

Ulttyq opera ónerin qup kóretinder úshin Abaı Qunanbaevtyń 175 jyldyǵynaarnalǵan joba ázirlendi. «Astana Operanyń» áıgili ánshileri  jaqyn arada osynaý ańyzǵa aınalǵan operadan úzindilerdi óz úılerinen shyrqamaq.

Budan bólek, ulttyq toptamaǵa M.Tólebaevtyń «Birjan – Sara» operasynan «Mereke bıi» engen, ol Qazaqstannyń eńbek sińirgen qaıratkeri Abzal Muhıtdınniń jetekshiligimen «Astana Opera» teatrynyń hor jáne sımfonııalyq orkestr ártisteriniń oryndalýynda  shyrqalady.

«Opera jáne balet juldyzdarynyń basqa ómiri» jobasy  «Astana Opera»  ártisteriniń  teatrdan tys ýaqytta nemen aınalysatynyn kórsetedi. Onda sizder búkil álemge tanymal bıshi Baqtııar Adamjan óziniń balalaryna túnde qandaı ertegi oqyp beretinin bilip, opera juldyzy Maıra Muhamedqyzynan dámdi taǵam ázirleý tásilin ala alasyzdar. Sondaı-aq sizderdi basqa da tosyn syılar kútýde.  Endeshe, teatrmen birge tynystaıyq, mártebeli kórermen!

Sońǵy jańalyqtar

Dollar qaıta kóterildi

Qarjy • Búgin, 16:35

BQO-da Astana kúni atap ótiledi

Elorda • Búgin, 15:59

Uqsas jańalyqtar