Hımııa ǵylymdarynyń doktory, professor Bolat Jıembaev jetekshilik jasaǵan top quramynda oqý ornynyń doktoranttary, Qazaq ulttyq agrarlyq ýnıversıteti jáne Qazaq jemis-kókónis sharýashylyǵy ǵylymı-zertteý ınstıtýtynyń qyzmetkerleri men izdenýshileri boldy.
«2,6-dıfenıl-4-dımetoksıfosforılpıperıdın-4-ol ashanalyq qyzylsha men kartop ósimdikteriniń ósýin retteýshi retinde qoldaný» jáne «2,5-dımetıl-4-dımetoksıfosforılpıperıdın-4-ol ashanalyq qyzylsha men kartop ósimdikteriniń ósýin retteýshi retinde» atty ónertabys aýyl sharýashylyǵy salasynda qoldanylady.
Ǵalymdardyń aıtýynsha, ǵylymı jańalyq paıdaly model jańa fosfororganıkalyq qosylystardy sıntezdep, aýyl sharýashylyǵy salasynda kókónisterdiń ósýin retteýshi retinde paıdalaný úshin berilip otyr.
Zertteý jumystary Jaratylystaný fakýltetiniń 2 kýrs doktoranty Aqbota Qýandyqova men 3 kýrs doktorant Gúljanat Dosjanovanyń qatysýymen Qyzdar ýnıversıtetiniń Keshendi hımııa-bıologııalyq ǵylymı-zertteý ortalyǵynda júrgizilip, tájirıbeden ótken. Jas ǵalymdar tabandy izdenis pen qajyrly eńbektiń naqty nátıje bergenine qýanyshty.
Aıta keteıik, buǵan deıin professor Bolat Jıembaevtyń jetekshiligimen 30-ǵa jýyq ónertabys patent alynǵan. Otandyq ǵylymǵa sińirgen zor eńbegi úshin ǵalym ǵylym, tehnıka jáne bilim berý salasyndaǵy Qazaqstan Respýblıkasynyń 2003 jylǵy Memlekettik syılyǵymen, Bilim jáne ǵylym mınıstrliginiń Memlekettik stıpendııasymen marapattalǵan.
ALMATY
