– Qala ákimi Baqytjan Saǵyntaevtyń tapsyrmasy boıynsha ınfraqurylymdyq jobalarda jumys oryndary qurylatyn bolady. Aıta ketý kerek, bul jumystardyń iske asyrylýy karantın kezeńinde de toqtamaǵan edi.
Bıyl «Jumyspen qamtýdyń jol kartasy» aıasynda 214 jobany júzege asyrý josparlanýda. Munda 26 myń jumys orny ashylady.
Atap aıtqanda, 9 mektep, jumys istep turǵan mektepterge qosymsha 13 qurylys nysanyn salý jáne 520 orynǵa arnalǵan 3 balabaqshanyń qurylysy bastalady. 95 balabaqshaǵa jóndeý jumystary bastalady. Sondaı-aq №7 qalalyq aýrýhanany taǵy 64 tósek-orynǵa keńeıtý josparlanýda.
Birqatar jobalar ınjenerlik-kólik ınfraqurylymyn, TKSh jelilerin keńeıtý men jańǵyrtý, aýmaqtardy abattandyrý maqsatynda iske asyrylatyn bolady. Mysaly, Naýryzbaı aýdanynda sýmen jabdyqtaýdyń jańa jelileriniń qurylysy bastalady. Sondaı-aq Alataý aýdanynyń tórt yqshamaýdanynda jáne Túrksib aýdanynyń bir yqshamaýdanynda jol qurylysy bastalady.
Búginde barlyq aýdandardaǵy joldarda ortasha jáne usaq jóndeý jumystary bastaldy. Atap aıtqanda, 363 aýlaǵa kúrdeli jóndeý jáne qoǵamdyq aımaqtarǵa abattandyrý jumystary júrgiziledi.
«Jumyspen qamtýdyń jol kartasy» iske asyrylǵannan keıin jańa nysandardyń qurylysy esebinen 2045 jańa turaqty jumys oryndary ashylady, dedi Almaty qalalyq áleýmettik ál-aýqat Basqarmasynyń basshysy Rahat Shımasheva.
Sondaı-aq, brıfıng barysynda Halyqty jumyspen qamtý ortalyǵynyń dırektory Dılıara Imanqulova qandaı mekemeler men kompanııalarda karantın kúnderinde jumysshylar men qyzmetkerlerge suranys bar ekendigin atady.
Qandaı da bir múddeli suraqtar týyndaǵan jaǵdaıda Almatydaǵy Halyqty jumyspen qamtý ortalyǵynyń tómendegi telefondary men áleýmettik jelilerimen baılanysýǵa bolady:
Telefondary: +7 (727) 224-20-00, 221-66-11
Elektrondy poshta: centr_almaty@mail.ru
Telegram @enbek_almaty_bot
Instagram @centr_zanyatosti_almaty
Facebook @ cznalmaty
V Kontakte @centr_zaniyatosti_almaty
Twitter @ CZN_ALMATY
ALMATY
