Atalmysh konkýrsqa ózgelermen qatar ál-Farabı atyndaǵy Qazaq Ulttyq ýnıversıteti hımııa jáne hımııalyq tehnologııa fakýlteti organıkalyq zattar, tabıǵı qosylystar jáne polımerler hımııasy men tehnologııasy kafedrasynyń jas ǵalymdary da ózderiniń ǵylymı jobalaryn jibergen. Jaqynda konkýrs nátıjesi shyǵyp, kafedrannyń tórt birdeı jas ǵalymy –hımııa ǵylymynyń kandıdattary Ǵalııa Irmýhametova, Gúlfaırýz Qaıralapova, PhD Zarına Keńesova men PhD Gúlnaz Seıtimova granttarǵa ıe boldy.
Ǵalııa Serikbaıqyzynyń ǵylymı jumysy «Gıdrofıldi polımerler negizinde jańa vagınaldyq dárilik zattar alýdyń tehnologııasyn ázirleý»dep atalady. Bul izdenis – joǵary tıimdi vagınaldy dárilik túrler retinde paıdalaný úshin gıdrofıldi bıosyıysymdy polımerler negizinde jańa polımerlik materıaldardy alý tehnologııasyn ázirleýdi maqsat tutady.
Gúlfaırýz Jumabaıqyzynyń ǵylymı jumysy «Metaldarmen jáne bettik belsendi zattarmen lastanǵan sýdy tazartý úshin ekologııalyq jaǵynan mańyzdy organo-mıneraldy sorbsııalyq materıaldardy jasaý» izdenisterine baǵyttalǵan. Jumystyń maqsaty – aýyr metaldar ıondarynyń sorbentteri jáne bettik-belsendi zattar retinde paıdalaný úshin otandyq polımerler men sazdy mıneraldardyń negizinde jańa kompozısııalyq materıaldardy ázirleý.
Zarına Ánýarqyzy «Tabıǵı ósimdik shıkizatynan basqarylatyn qundy komponentti ekstraksııalaý ádisterin ázirleý» baǵytynda ǵylymı izdenisterge baryp otyr. Joba mıkrotolqyndy sáýlelený kómegimen tabıǵı О́simdik shıkizatynan qundy komponentterdi ekstraksııalaýdyń jańa perspektıvalyq ádisin ázirleýge jáne konsentrasııa men temperatýranyń aıqyn gradıenttik óristerin qurýǵa, sondaı-aq usynylǵan tásildi iske asyratyn jańa úlgidegi ekstraktorlardy qurýǵa baǵyttalǵan.
Gúlnaz Ábsattarqyzynyń ǵylymı jumysy Qazaqstandaǵy keıbir ósimdik túrlerinen alynǵan tabıǵı qosylystardy hımııalyq zertteý, bólý, alý, tazartý jáne olardyń bıologııalyq belsendiligin anyqtaý maqsatynda júrgizilgen. «Qazaqstannyń keıbir ósimdikter túrlerinen alynǵan tabıǵı qosylystardy hımııalyq zertteý jáne olardyń belsendiligi» dep atalady.
ALMATY
