«Jedel testileýden ótkisi kelgen adamdar arnaıy saıtta anketa toltyryp, ótinim beredi. Sodan keıin olar irikteledi. Bul test adamnyń indet juqtyrǵanynǵ nemese juqtyrmaǵanyn anyqtap beredi. Eger ol oń nátıje kórsetse, biz PTR dıagnostıkaǵa jiberemiz», – deıdi departament basshysy.
Almatynyń bas sanıtary búgingi kúnderi almatylyqtar arasynda test jasatý jalǵasyp jatqanyn atap ótti.
«Búgingi kúnge 15 myńnan astam test jasaldy. Juma kúngi túske deıingi epıdemıologııalyq jaǵdaıǵa sáıkes, megapolıste koronavırýs ınfeksııasy 122 adamda anyqtaldy. Qazirgi kúnderi buıryqqa sáıkes PTR-testileýdi qajet etetin kontıngentter bar. Onyń ishinde indetke shaldyqqan adamdar, naýqastarmen baılanysta bolǵandar, shetelden kelgen azamattar bar. Biz medısınalyq qyzmetkerlerdi de tekserip shyqtyq»,– dedi Aızat Moldaǵasymova.
Brıfıng barysynda BAQ ókilderi zimbir, lımon, sarymsaqtyń baǵasy sharyqtap turǵanyn alǵa tartyp, osynyń mánisin surady.
– Zimbir men lımon dárilik zatqa jatpaıdy. Bul aǵzanyń ımmýnıtetin kóteretin, fýnksııasyn qalpyna keltiretin azyq-túlikke jatady. Biraq osy indetti lımon, zimbir, sarymsaqpen jazyp shyqqany tájirıbede júzinde dáleldenbegen», – dedi ol.
«Zimbir, sarymsaq, lımon, mıkroelementter, dárýmenderdi aýrýdyń aldyn alý, densaýlyqty nyǵaıtý maqsatynda ishken durys. Adamdardyń ımmýnıteti jaqsy bolsa, dert juǵa bermeıdi. Sondyqtan, adamdar oqshaýlanyp, ımmýnıtetin kóterip júrse, óte jaqsy qorǵanys quraly bolady. Halyq medısınasynda qoldanylatyn dárilik shópter tek profılaktıkalyq maqsatta ishilýi kerek. Biraq COVID-19 ınfeksııasy arnaıy vırýsqa qarsy preparattar arqyly emdeledi», – dedi Almaty qalasynyń Bas sanıtary.
