Onyń ishinde Almaty qalasynyń 17 front-ofısiniń 150-den asa qyzmetkeri Azamattarǵa qashyqtan keńes berýge jumyldyrylyp, úıde otyryp qyzmet kórsetip otyr. Biraq, talap ádettegideı, tańǵy saǵat 9-dan jumysyna kirisý kerek jáne saǵat 6.30-ǵa deıin jalǵasý kerek.
Búgingi kúni memlekettik qyzmettiń 80%-dan astamyn elektrondyq úkimet portaly arqyly onlaın alýǵa bolady. Degenmen, árbir adam saıtta óz betinshe jumys isteı bilmeıdi ári qosymshalardy túsine bermeıdi. Sondyqtan keńesshiniń jumysy óte mańyzdy.
Fılıalda 1414 koll ortalyǵynyń operatorlarynan basqa, beıne qońyraýlarǵa jaýap beretin onlaın-operatorlary da bar.
Búgingi kúni ESQ kómegimen barlyq memlekettik qyzmetterdiń 80% alýǵa bolady. Sondyqtan azamattarǵa yńǵaıly bolý úshin jaqynda elektrondyq sıfrlyq qoltańbany (ESQ) onlaın alý servısi iske qosyldy. Karantınge baılanysty kóptegen azamattar memlekettik qyzmetterdi úıde alý úshin mobıldik azamattar bazasynda tirkelýi nemese ESQ-sy bolýy tıis. Al tirkelgende olardyń sáıkestendirý rásimin rastaý úshin Almatyda 50 operator jumys isteıdi. Eger azamattyń telefon nómiri mobıldik azamattar bazasynda tirkelmegen jaǵdaıda, júıe ony HQKO operatorymen baılanystyrady, ol azamatty beınebaılanys arqyly sáıkestendiredi, birqatar qosymsha suraqtar,(qujattardyń derekterin, tirkeý ornyn jáne t. b.) qoıady.
«Qazirgi kúni qońyraýlar óte kóp túsip jatyr. Keı kezde klıenttiń jumysyn tolyqtaı óziń jasap berýge týra keledi... Qyzyqty jaǵdaılar da bolyp jatady. Bir-eki kún buryn Dyshybaev Muhıt degen bir tanysym beıne- qońyraýmen habarlasyp, maǵan tústi. Muhıt óziniń ákesin Mgov mobile-ǵa tirkegeli júgingen eken. Ol keńes berip otyrǵan meni kórip tań-tamasha qaldy. Kameranyń aldynda ákesimen birge otyryp, beınebaılanysta boldyq. Biz úshin mundaı jaǵdaıda tildesý qyzyqty boldy árıne. Ákesin tirkep rıza bolǵan ol, kórsetilgen qyzmetke alǵysyn bildirip qoshtasty», – deıdi Alataý aýdandyq front-ofısiniń mamany Qalamqas Irgebaeva.
