Keshe Qazaqstan Respýblıkasy Parlamenti Senatynyń Tóraǵasy Qaırat Mámıdiń Túrkimenstanǵa resmı sapary bastaldy.
Bir tamyrdan taraǵan, boılarynda býyrqana oınaǵan túrkilik qany bar jurttyń sany keıbir zertteýshilerdiń uıǵarymynsha 200 mln. shamasynda dese, solardyń kópshiligine derbes memleket atanýdy taǵdyr mańdaıyna jazbaǵan eken. Tek altaýyna ǵana óz aldyna táýelsiz memleket etý baǵy buıyrsa, sonyń biri biz de, endi biri túrkimender.
Keshe Qazaqstan Respýblıkasy Parlamenti Senatynyń Tóraǵasy Qaırat Mámıdiń Túrkimenstanǵa resmı sapary bastaldy.
Bir tamyrdan taraǵan, boılarynda býyrqana oınaǵan túrkilik qany bar jurttyń sany keıbir zertteýshilerdiń uıǵarymynsha 200 mln. shamasynda dese, solardyń kópshiligine derbes memleket atanýdy taǵdyr mańdaıyna jazbaǵan eken. Tek altaýyna ǵana óz aldyna táýelsiz memleket etý baǵy buıyrsa, sonyń biri biz de, endi biri túrkimender.
Aq mármárdan qalanǵan, ajary tolǵan aıdaı tolysyp, ulttyq bederi árbir tynysynan seziletin Ashǵabadta shyjyǵan ystyq. Áýe aınalǵandaı kúıdirip turǵan altyn kún týysqan keldi dep ystyq qushaǵyn ashqandaı. Keshiniń ózi 33 gradýsty kórsetse, kúndizgi 43-ti qalypty jaǵdaı sanaıtyn túrkimen baýyrlar Qazaqstan Parlamenti Senaty Tóraǵasynyń saparyna úlken mán bergenin qolymyzǵa tıgen baǵdarlamadan ańǵardyq. Sondyqtan da, kórgen-bilgenimizdi shashaýyn shyǵarmaı oqyrmanǵa jetkizýdi moınymyzǵa aldyq.
Jalpy, eki el arasyndaǵy qarym-qatynastyń qapysy joq. Memleket basshylarynyń kezdesýleri men ekijaqty ótken saparlar yntymaqtastyq baılanystardy keńeıte túsken. Túrkimenstan Prezıdenti Gýrbangýly Berdymuhamedov 2008, 2009, 2010 jyldary elimizde ótkizilgen túrli sharalarǵa qatyssa, bıylǵy jyldyń mamyr aıynda Qazaqstanǵa memlekettik saparmen arnaıy jol tartqany málim. Bizdiń Elbasy Nursultan Nazarbaevtyń 2009 jyly «Túrkimenstan-О́zbekstan-Qazaqstan-Qytaı» gaz qubyrynyń ashylý saltanatyna jáne 2012 jyly TMD memleket basshylarynyń kezdesýi kezinde jumys saparymen túrkimen topyraǵyna tabany tıgen. Tamyry bir týys elder arasyndaǵy osyndaı barys-kelis qarym-qatynastardy barlyq salalarda órbitýge jol ashty.
Senat Tóraǵasy keshe erteńgilik Ashǵabadtaǵy jumysyn Túrkimenstan Syrtqy ister mınıstrligi janyndaǵy Halyqaralyq qatynastar ınstıtýtynyń stýdentteri men professor-oqytýshylar quramy aldyndaǵy sóz sóıleýmen bastady.
«Týystas túrkimen eliniń bolashaq dıplomattary aldynda sóz sóılegenime qýanyshtymyn», dep jınalǵandar yqylasyn ózine aýdaryp alǵan Tóraǵa olarǵa memleket damýynyń qazaqstandyq jolyn, elimizdiń syrtqy saıasattaǵy ustanymdarymen birge, qazaq-túrkimen yntymaqtastyǵynyń negizgi qyrlaryn atap kórsetti.
Táýelsizdik jyldarynda qol jetken tabystardy ortaǵa salǵan Q.Mámı elimizdiń alǵa qoıǵan «Qazaqstan-2050» strategııalyq maqsatyn, ondaǵy basty baǵyttardy taratyp aıtyp berdi. Alǵa qoıǵan belesterdi baǵyndyrýda ekonomıkany túbegeıli ońtaılandyrý úshin kásipkerlikti retteý isine memlekettiń meılinshe az qatystyrylýyn, bul turǵyda barlyq salada jekemenshik sektordyń úlesin ulǵaıta berý kózdelip otyrǵanyn alǵa tartty. Sondaı-aq, el ekonomıkasynyń «jasyl» baǵytta damýyna den qoıý men EKSPO-2017 kórmesin ótkizýge toqtalyp, onyń osy Ortalyq Azııa óńiriniń damýyna tıgizer oń áserin de nazardan tys qaldyrmady.
Tóraǵanyń alǵa tartqan mańyzdy máseleleriniń qatarynda túrki áleminiń ıntegrasııasy da ataldy. Sonymen qatar, 2014 jyly koalısııa kúshteriniń Aýǵanstannan áketilýine baılanysty aımaqtyń turaqtylyǵyna qatysty Ortalyq Azııa memleketteri yntymaqtastyǵynyń mańyzdylyǵy kóldeneń tartyldy. Jınalǵandar Q.Mámıdiń jan-jaqty, kóptegen mańyzdy aspektilerdi qamtyǵan sózin úlken yqylaspen tyńdady.
Senat Tóraǵasynyń Túrkimenstan Prezıdenti Gýrbangýly Berdymuhamedovpen kezdesýinde ekijaqty yntymaqtastyqtyń ózekti máseleleri sóz etildi. Prezıdent mamyr aıyndaǵy elimizge saparyn jylylyqpen eske alyp, Prezıdent Nursultan Nazarbaevpen bolǵan jemisti kezdesýleri men iske qosylatyn iri Qazaqstan-Túrkimenstan jobalaryna rızashylyǵyn jetkizdi. Sonymen qatar, saýda-ekonomıkalyq qatynastardyń oń qarqyny men kólik-kommýnıkasııa salasyndaǵy yntymaqtastyqtyń áleýeti moldyǵyna toqtaldy. 2014 jyly «Soltústik-Ońtústik» baǵytyndaǵy te
