AQSh-qa joly túspegen túrkistandyqtar bul nysannyń paıdalanylýǵa berilýin asyǵa kútýde. «Nıý-Iork baspaldaǵy» ataýyn álden ıelengen erekshe dızaındy demalys ornynda «Open Space» úlgisindegi is-sharalar, san alýan saıystar men festıvalder ótkizilmek. Túrkistandyqtar men óńir qonaqtary úlken ekranda tegin fılmder men fýtbol oıyndaryn tamashalaı alady. Ashyq sahnaly, aınalmaly baspaldaqty demalys ornynyń bıiktigi – 4,5 metr, eni – 11 metrge eseptelgen. Erekshe sáýletti nysan jastar men týrısterdiń súıikti demalys ornyna aınalary sózsiz.
Aıta ketelik, Túrkistan qalasynda qurylys jumystarynyń qarqyny báseńdegen joq, jospar boıynsha júrip jatyr. Qurylysshylar eńbek qaýipsizdigimen qatar, tótenshe jaǵdaı erejelerin qatań ustanýda. Barlyq sanıtarlyq talaptar kúsheıtilgen.
Túrkistan oblysy
