Memleket basshysy Nursultan Nazarbaevtyń atyna elimizdiń mektep oqýshylarynan hattar kelip tústi, dep habarlady Prezıdenttiń baspasóz qyzmeti.
О́z hattarynda oqýshylar Memleket basshysyna oqýdaǵy tabystary týraly aıtyp, óskeleń urpaq úshin jaǵdaı jasaýǵa erekshe kóńil bólingeni úshin alǵystaryn bildirgen.
Memleket basshysy Nursultan Nazarbaevtyń atyna elimizdiń mektep oqýshylarynan hattar kelip tústi, dep habarlady Prezıdenttiń baspasóz qyzmeti.
О́z hattarynda oqýshylar Memleket basshysyna oqýdaǵy tabystary týraly aıtyp, óskeleń urpaq úshin jaǵdaı jasaýǵa erekshe kóńil bólingeni úshin alǵystaryn bildirgen.
Aqtóbe oblysyndaǵy Tamdy kómekshi mektep-ınternatynyń 9-synyp oqýshylary konkı sporty boıynsha 2013 jyly Ońtústik Koreıada ótken Búkilálemdik qysqy arnaýly Olımpııa oıyndarynyń jeńimpazdary men júldegerleri bolyp tabylady. Olar jas sportshy-paralımpıadashylar atynan Qazaqstanda múmkindigi shektelgen adamdarǵa arnalǵan sportty damytqany úshin Prezıdentke alǵys aıtqan.
«Sport – biz úshin qalypty ómirge oralý. Árbir máre – árdaıym úmit, ózimizge sene bilýdiń úlgisi. Bul adam múmkindiginiń shegi joq ekenin bildiredi», – dep jazady avtorlar hatta.
Almaty qalasyndaǵy «Zeınep» mektebiniń 2-synyp oqýshysy N.Danabaev óz hatynda oqýdan alǵan áserin bólisip, ózi emdelip jatqan balalar ortalyǵy pedagogtarynyń eńbegin atap ótken.
«Bizde jaqsy mektepter men balalar ortalyqtary, sondaı-aq balalarǵa kómektesetin jaqsy adamdar kóp. Meniń armanym – aqyldy bolyp erjetý, anama kómektesip, barlyq adammen dos bolý», – dep jazady N.Danabaev.
Qaraǵandy mektep-ınternatynyń 11-synyp oqýshysy R.Jalaev otbasy men jaqyndary oqýyna qoldaý kórsetip, aýrýǵa qarsy kúreste kómektesetinin aıtqan.
«Jaqynda maǵan bilim alýym úshin mektepten arnaıy jabdyqtar alyp keldi. Olardy qoldaný arqyly oqý qyzyqty bola tústi. Men Internet arqyly kóp qyzyq jaıttardy bilip, óz qatarlastarymmen áńgimelese alamyn», – delingen hatta.
«Bizder, múmkindigi shektelgen balalar, úsh jyldan beri barlyq basqa balalar sekildi mektepte oqyp júrgenimiz úshin Sizge zor alǵys aıtqymyz keledi», – dep jazady Prezıdentke astanalyq №65 mektep-gımnazııanyń ınklıýzıvtik 3-synyp oqýshysy A. Bazarbaı.
Oqýshy qyz Memleket basshysyna ózderine kórsetilgen qamqorlyqty aqtaıtynyn, súıikti elimizdiń naǵyz laıyqty azamaty bolatyndaryn aıtqan.
Al Shyǵys Qazaqstan oblysynyń Jańa Buqtyrma kentinen hat joldaǵan 11 jastaǵy N.Kolomysov syrqatynan aıyǵýyna baılanysty qýanyshyn bólisken.
«Men týabitti júrek talmasymen aýyryp, qatty japa shektim. Sizdiń arqańyzda anammen birge Ońtústik Koreıaǵa tegin ota jasatýǵa bardym. Sodan keıingi halim jaqsy, mektepte oqyp júrmin. Fýtbol oınap, sýda júze alamyn», – deıdi ol hatynda.
N.Kolomysov óz aýylyndaǵy barlyq bala atynan Memleket basshysynyń qyzmetine tabys tileıdi.
Soltústik Qazaqstan oblysyndaǵy Ǵ.Músirepov atyndaǵy aýdannyń Voladar orta mektebi 10-11-synyp oqýshylary aýyldyq eldi mekenderge jas muǵalimderdiń kelýine sebepshi bolǵan «Dıplommen – aýylǵa!» baǵdarlamasynyń iske asyrylyp jatqany úshin rızashylyq bildiredi.
«Olardyń kelýimen mektep ómiri jandana tústi, oqýǵa degen ynta-yqylas artyp, sabaqtar qyzyqty, tartymdy bola bastady», – deıdi oqýshylar Memleket basshysyna joldaǵan hatynda.
