Aýmaqtyq áskerı bólimsheler quryldy

S.Boranbaevtyń aıtýynsha, Memleket basshysy Qasym-Jomart Toqaevtyń «Áskerı min­det­tilerdi arnaýly jıyn­dar­ǵa sha­qyrý týraly» Jarlyǵyna sáıkes, búginde Nur-Sultan, Almaty qalalary men Aqmola, Almaty, Qyzylorda jáne Pav­lo­­dar oblystarynda aýmaqtyq áskerı bólimsheler quryldy.

Sondaı-aq Aqtóbe jáne Aty­raý oblystarynda áskerı min­det­­tilerdi shaqyrý jalǵasýda. Shym­kent qalasy men Qaraǵandy oblysynda áskerı bólimshelerdi jasaqtaýdyń bastalýy 13 sáýirge, Soltústik Qazaqstan oblysynda – 14 sáýirge, Jambyl oblysynda – 15 sáýirge, Túrkistan oblysynda 17 sáýirge josparlanǵan.

– Qorǵanys mınıstrligi tarapynan aldyn ala qabyldanǵan uıymdastyrý-tehnıkalyq sıpat­ta­ǵy sharalardyń, sondaı-aq karan­tındik shekteýlerdiń kúr­de­li jaǵdaılarynda jergilikti áskerı basqarý organdary men medısına qyzmetkerleriniń úı­le­simdi jumysynyń nátı­je­sin­de qysqa merzimde arnaıy jıynǵa – 473 áskerı mindettini, sonyń ishinde 71 ofıser men 402 serjantty, zapastaǵy sarbazdardy shaqyrýǵa múmkindik berdi, – dedi S.Boranbaev.

Jergilikti áskerı basqarý or­­gan­­daryna erikti túrde shaqy­rylý úshin 2372 jas azamat óti­nish bildirdi. Al áskerı min­det­ti­lerdiń ortasha jasy qazirgi ýa­qyt­ta 27,5 jasty quraıdy.

Áskerı mindettilerdiń 34%-y jumysqa ornalastyryldy. Olardyń ortasha eńbekaqysy – 82 000 teńge. Qorǵanys mı­nıs­tr­liginiń basshylyǵy áskerı polısııany tarta otyryp, áskerı mindettilerdi shaqyrý barysyna, sanıtarlyq-gıgıenalyq nor­ma­lar­dyń, áskerı tártiptiń saq­­talýyna júıeli baqylaý uıym­­­dastyrdy. Halyqqa arnaýly jı­yn­­­darǵa shaqyrý sharttaryn jedel túsindirý úshin Qorǵanys mınıs­trligi men qorǵanys isteri jónin­degi óńirlik departamentterde 4 sáýirden bastap táýlik bo­ıy 18 Call-ortalyq jumys is­teı­di.