– Almatyda barlyq medısınalyq uıymdar dárilik zattarmen jáne medısınalyq maqsattaǵy buıymdarmen tolyq kólemde jabdyqtalǵanyn atap ótken jón. Qala boıynsha medısına qyzmetkerlerin vırýs juqtyrýdan qorǵaý úshin 3 myńnan astam jeke qorǵanys quraldary bar. Sonymen qatar, barlyq medısınalyq uıymdar dezınfeksııalaý quraldarymen jáne terige arnalǵan antıseptıktermen qamtamasyz etilgen. Oǵan respýblıkalyq bıýdjetten da, jergilikti bıýdjetten da qarjy bólindi.
Úkimet rezerviniń birinshi transhynan qala 73 mıllıon teńgeden astam qarajat aldy, olarǵa medısına qyzmetkerleri úshin jeke qorǵanys quraldary jáne koronavırýstyq ınfeksııamen aýyratyn naýqastardy emdeýge arnalǵan dárilik zattar satyp alyndy. Almaty qalasy ákimdiginiń rezervi esebinen obaǵa qarsy kostıýmder men respıratorlarǵa qosymsha jergilikti bıýdjet qarajatynan 94,5 mıllıon teńge bólindi. Sondaı-aq, dezınfeksııalyq quraldar satyp alyndy.
Sondaı-aq, Úkimet rezerviniń tórtinshi transhynan 1,3 mıllıard teńge bólindi. Onda, sondaı-aq, medısına qyzmetkerleri úshin jeke qorǵaný quraldaryn, dezınfektanttardy, antıseptıkter men koronavırýstyq ınfeksııamen aýyratyn naýqastardy emdeýge arnalǵan dári-dármekterdi jetkizýge sharttar bekitildi.
Sonymen qatar, jergilikti bıýdjetten qosymsha 460 mln. teńge medısına qyzmetkerleriniń turýyna jáne tamaqtanýyna jáne 20 mln teńge teplovızor satyp alýǵa bólindi.
Koronavırýspen kúresýge jumyldyrylǵan densaýlyq saqtaý uıymdary jumyskerleriniń jalaqylaryna ústemeaqy tóleýge qatysty. Atap ótkenimizdeı, tólemder osy aıdyń basynda bastalǵan bolatyn.
Osy maqsattarǵa 1134,8 mln teńge kóleminde qarajat bólindi. Barlyq tólemderdi 3 711 adam alady, – dedi Almaty qalasy Qoǵamdyq densaýlyq basqarmasynyń basshysy.
Tileýhan Ábildaevtyń aıtýynsha, qazirgi ýaqytta tólem kelesi sanattaǵy adamdarǵa júrgizilgen:
1 táýekel tobyna – 555 qyzmetker, tólem somasy – 375,1 mln teńge.
2 táýekel tobyna – 2 283 qyzmetkerge, tólem somasy – 569,9 mln teńge.
3 táýekel tobyna – 874 qyzmetkerge, tólem somasy – 118,3 mln teńge.
Tólemder Salyq kodeksine sáıkes barlyq salyqtardy eskere otyryp, aılyqtyq jumys balansynan aspaıtyn naqty jumys istegen ýaqyty (kúnder/saǵattar) úshin júrgiziledi.
Búgingi kúni medısına qyzmetkerlerine 1063,3 mln teńgege tólem júrgizildi, bul 96%-dy quraıdy. Tólemder júrgizý jalǵasýda.
Osy kúnniń sońyna deıin medısınalyq jedel járdem qyzmeti boıynsha qalǵan barlyq soma eki karantındik uıymǵa tólenetin bolady.
ALMATY
