Búgin Qazaly aýdandyq sotynda «TrueConf» mobıldi qosymshasynyń kómegimen tótenshe jaǵdaı rejımin buzý faktileri boıynsha tórt ákimshilik quqyq buzýshylyq týraly is qaraldy.
Aldymen saǵat 18.00-den keıin de azyq-túlik dúkenin jappaı, saýda-sattyq jasaǵan kent turǵyny QR ÁQBtK-niń 476-babynyń 6-tarmaqshasymen kináli dep tanylyp, oǵan 26510 teńge kóleminde ákimshilik aıyppul salyndy.
Al Aral aýdanynyń turǵyny Qazaly aýmaǵyna baqylaý beketinen aınalyp ótpekshi bolǵan. Osy áreketi úshin QR ÁQBtK-niń 476-babynyń 1-tarmaqshasymen kináli dep tabylǵan oǵan sot qaýlysymen 27 780 teńge mólsherinde ákimshilik aıyppul belgilendi.
Azamattardyń turǵyn úıden negizsiz shyǵýyna jáne avtokólikpen júrýine shekteý salynǵanyna qaramastan, Áıteke bı kentiniń 2 turǵyny 9 sáýir kúni saǵat 18.00-den keıin kent kóshelerinde kólik júrgizgenderi anyqtalǵan. Sot qaýlysymen olar da 27 780 teńge ákimshilik aıyppul arqalady.
Talap saqtalsa, tártip buzylmaıdy. О́z ıeligindegi azyq-túlik dúkenin belgilegen ýaqyttan 9 mınýtqa kesh japqan kent turǵyny da QR ÁQBtK-niń 476-babynyń 6-tarmaqshasymen kináli dep tanylyp, oǵan eskertý berildi.
