Onyń barysynda birqatar memlekettik organdar men kvazımemlekettik sektor sýbektileriniń 2020 jylǵa arnalǵan memlekettik satyp alý josparynda satyp alynatyn taýar quny ishinara naryq baǵasynan kóterińki ekendigi anyqtaldy. Satyp alý baǵasyn asyryp jibergen mekemelerge tıisti usynymdar joldanyp, ol boıynsha sharalar qabyldandy.
– Nátıjesinde, osy jyly satyp alýy josparlanǵan taýarlar baǵasynan shamamen 91,5 mln teńge únemdelip otyr. Keıbir usynym berilgen mekeme men uıymdar óz jaýaptarynda josparlaý barysynda tehnıkalyq qatelerdiń oryn alǵandyǵyn jáne jospardy qaıta qarap, tıisti ózgeris engizgenderin nemese tıisti satyp alý rásimderi ótkizilgendigin, aldaǵy ýaqytta josparly baǵanyń naryq baǵasynan asyrmaý maqsatynda naqty sharalar qabyldaıtyndyqtaryn habarlady, – deıdi Qazaqstan Respýblıkasynyń Sybaılas jemqorlyqqa qarsy is-qımyl agenttigi Qyzylorda oblysy boıynsha departamentiniń bas mamany Murat Ysqaqov.
Máselen, Jalaǵash kenti ákiminiń apparatyna qarasty №19 sanatorııalyq – baqsha mekemesi tósek jaıalyqtarynyń 1 jınaǵyn 647 500 teńgege alýdy josparlaǵan. Usynym berilgennen keıin tehnıkalyq qatelikter jóndelip, josparlanǵan taýar sany 162-ge kóbeıtilip, qaıta ózgertildi.
Taǵy bir mysal, Qazaly aýdanynyń bilim bólimine memlekettik satyp alýdyń jyldyq jospardyń bólikterindegi emal boıaýyn alýǵa josparlaǵan 12,4 mln teńge baǵa usynystary boıynsha naryq baǵasynan joǵary ekendigi eskertilipti. Kóp keshikpeı bólim 7,4 mln teńge únemdelgendigin habarlady.
Birlesken istiń nátıjesinde, oblys ákimdigi is basqarmasynyń jyldyq josparynda kompıýterlik tehnıkalarǵa qaralǵan qarjydan 78,5 mln teńge únemdeldi.
Memlekettik satyp alý josparlarynda naryq baǵasynan asa alshaqtyqty boldyrmaý, sonymen qatar bólingen qarajattyn maqsatty jumsalýyn qamtamasyz etýde osyndaı monıtorıngterdiń tıimdiligi kóp.
Sondaı – aq qarajattyń tıimdi jumsalýyna taldaý júrgizýge qoǵam músheleri de úles qosa alady.
