Kókshe jerinde Keńes Odaǵynyń Batyry Málik Ǵabdýllınniń 2015 jylyatalypótetin 100 jyldyq mereıtoıyna daıyndyq jumystary qyzý qolǵa alynýda. Bul oraıda atpal azamattyń týǵan eli Zerendi aýdanynda aıtýly sharalardyń aldymen alǵa tartylýy ǵanıbet ári zańdy bastama dep bilemiz. Munyń ózi búgingi urpaqtyń moınyndaǵy abyroıly paryz, jaýapty qadam ekendigi de anyq. Osy rette aýdan ákimi Ermek Marjyqpaevtyń jaqsy iske uıtqy bolǵanyn atap ótken jón.
Kókshe jerinde Keńes Odaǵynyń Batyry Málik Ǵabdýllınniń 2015 jylyatalypótetin 100 jyldyqmereıtoıynadaıyndyqjumystaryqyzýqolǵaalynýda. Bul oraıda atpal azamattyń týǵan eli Zerendi aýdanynda aıtýly sharalardyń aldymen alǵa tartylýy ǵanıbet ári zańdy bastama dep bilemiz. Munyń ózi búgingi urpaqtyń moınyndaǵy abyroıly paryz, jaýapty qadam ekendigi de anyq. Osy rette aýdan ákimi Ermek Marjyqpaevtyń jaqsy iske uıtqy bolǵanyn atap ótken jón.
Ata Zańymyzdyń aıshyqty merekesimen tuspa-tus kelgen saltanatqa oblystyń zııaly qaýym ókilderi, Zerendi aýyldarynyń jurtshylyǵy kóptep jınaldy. Ár janarda bıik tuǵyrdaǵy aq jamylǵy tezirek túsirilse, el súıiktisimen tezirek qaýyshsaq degen jarqyl bar. Aınalany rýh asqaqtatar áýender jańǵyrtyp tur. Mine, kútken sát te kelip jetti. Aqmola oblysy ákiminiń birinshi orynbasary Rashıt Ákimov, Zerendi aýdanynyń ákimi Ermek Marjyqpaev jáne batyrdyń qyzy Maıdan Málikqyzy eskertkishti ashyp, dástúrli lentany qıdy.
Zerendiniń qaq tórinde ornatylǵan eskertkishtegi Málik Ǵabdýllın beınesi batyrlarǵa tán qaısarlyqtyń, ǵalymdarǵa tán danalyqtyń jandy tulǵasyndaı kóz tartady. Kókshetaýlyq qylqalam sheberi ári músinshi, Qazaqstan Sýretshiler odaǵynyń múshesi Iýrıı Popov tulǵa músinin somdaýda ózindik shyǵarmashylyq izdenisimen tánti etedi. Tuǵyrtastaǵy úsh metrlik eskertkishte ǵasyrlar toǵysyndaǵy qaıratkerdiń jıyntyq beınesi kórinis tapqandaı. Oqaly ulttyq shapan jamylǵan tulǵanyń omyraýynda Keńes Odaǵy Batyrynyń Altyn Juldyzy jarqyraıdy. Oń qolyn keýdesine basqan Málik ózi armandaǵan Qazaqstan táýelsizdiginiń sharapattaryna, eldi eńselentken urpaqqa rııasyz rızashylyǵyn bildirip turǵandaı áserge bóleıdi. Osynaý oraıly sezim Maıdan apa Málikqyzynyń jerlesterine arnaǵan yqylasty sózderinen de tógilip turdy.
– Búgin batyr urpaqtary úshin ǵana emes, barsha kókshelikter úshin umytylmas ári qýanyshty kún, – dedi Almatydan kelgen asyldyń synyǵy. – Meniń ákem Málik eliniń uly bolyp edi. О́z týǵan jerine jan-tánimen qyzmet etti. Halqy ony umytpaı, qurmet tutýda. Kókshetaý qalasynda Málik Ǵabdýllın atyndaǵy kóshe, mektep, murajaı bar. Elimizdiń ózge óńirlerinde de osyndaı qurmet nyshandary barshylyq. Búgingi oqıǵanyń ereksheligi – Málik eskertkishiniń tuńǵysh ret ashylyp otyrǵandyǵynda. Men osy úshin oblys basshylyǵyna, Zerendi aýdanynyń ákimi Ermek Boranbaıulyna, jerlesterime sheksiz alǵysymdy bildiremin.
Jınalǵandar aldynda Aqmola oblysy ákiminiń birinshi orynbasary Rashıt Ákimov, Parlament depýtattary Jabal Erǵalıev pen Maıra Aısına, «Nur Otan» HDP oblystyq fılıaly tóraǵasynyń birinshi orynbasary Muratbek Ospanov, oblystyq máslıhat hatshysy Nına Dıachek, eńbek ardagerleri Meırambek Qıyqov, Eńbek Qabdanov, Esimbek Ákimov júrekjardy sózderin arnady.
Baqbergen AMALBEK,
«Egemen Qazaqstan».
Aqmola oblysy,
Zerendi aýdany.
–––––––––––
Sýretterde: Zerendi tórindegi batyr eskertkishi; aýdan ákimi Ermek Marjyqpaev pen M.Ǵabdýllınniń qyzy Maıdan Málikqyzynyń quttyqtaý sáti.
