Oblystyq qurylys basqarmasynyń mamandary karantın kezinde qurylys nysandarynda sanıtarlyq talaptyń qatań saqtalýyn baqylap otyr. Karantın sharalaryna qaramastan, oblys ortalyǵynda qurylys qarqyndy júrýde. Jyl basynan bilim berý, densaýlyq saqtaý, mádenıet, sport, turǵyn úı jáne ınjenerlik ınfraqurylym nysandarynyń qurylysyna 26,7 mıllıard teńge bólingen. Oǵan «Jol kartasy», «Aýyl-el besigi» sııaqty jańa baǵdarlamalar qosylyp, qarjy kólemi 36,8 mıllıard teńgege deıin ulǵaıdy.
–Bıyl qurylys kólemi kóbeıip keledi. Máselen, qurylys kóleminiń ındeksi 1 toqsanda 117 prosentti qurady. 151 myń sharshy metr turǵyn úı paıdalanýǵa berildi. Bıyl qurylys jumysyn qarqyndy júrgizemiz dep josparlanyp otyrmyz,–deıdi oblystyq qurylys basqarmasy basshysynyń orynbasary Elena Ysqaqova.
Memlekettik baǵdarlama aıasynda sońǵy 3 jylda 1,4 mıllıon sharshy metr turǵyn úı paıdalanýǵa berilgen. Sóıtip, 13 myńnan asa aqmolalyq baspanamen qamtyldy. Jeke qurylys kompanııalary da turǵyn úı qurylysyn qarqyndy júrgizýde.
