Atalǵan portal tek shahar turǵyndaryna ruqsat berýdi ǵana emes, sonymen qatar qalanyń polısııa qyzmetkerleriniń de jumysyn jeńildetedi. S.Tuıaqbaevtyń aıtýynsha, portaldy qurý kásiporyndardy kezeń-kezeńimen iske qosý qajettiliginen jáne soǵan baılanysty koronavırýsty odan ary taratpaý úshin qaladaǵy kólik qozǵalysy kezinde qatań baqylaýdy qamtamasyz etý úshin týyndaǵan.
Osyǵan deıin qalalyq shtabtyń sheshimimen karantın kezinde Almatyda óz qyzmetterin júzege asyrýǵa bolatyn ekonomıka sektorlary anyqtalǵan bolatyn. Bul – qalanyń tirshilik áreketin qamtamasyz etýge qajetti salalar, olardyń ishinde saýda, densaýlyq saqtaý, kólik jáne logıstıka, kommýnaldyq qyzmetter, memlekettik basqarý jáne quqyq qorǵaý organdary, ishinara azyq-túlik ónerkásibi, qurylys, EDB (ekinshi deńgeıli bankter) (20-30%), kommýnıkasııa jáne baılanys salalary bar.
«Alaıda, osy tizimdi zertteý barysynda biz keıbir kásipkerlerdiń bul múmkindikti teris maqsatta paıdalanyp, ruqsat berilgen tulǵalardyń tizimine ózderiniń qyzmetterine esh qatysy joq azamattardy tirkep qoıǵanyn anyqtadyq», - dep atap ótti qala ákiminiń orynbasary.
– Sol úshin osy jumystyń barynsha ashyqtyǵyn qamtamyz etýde jáne adamı faktordyń áserin boldyrmaý úshin jańa portaldy jasap shyǵardyq. Portal arqyly kásiporyndar tek ruqsat etilgen salalar boıynsha ótinish bere alady. Jumys isteýine ruqsat etilmegen salalar boıynsha ótinishterdi portal qabyldamaıdy. Odan bólek, atalǵan kásiporynda jumys isteıtin qyzmetkerler sanynan joǵary mólsherde ótinishter qabyldanbaıdy. Árbir kompanııadaǵy jumysshylar sany týraly málimetter bizdiń memlekettik organdarda bar. Sondyqtan mysalǵa alatyn bolsaq, eger kásiporynda resmı túrde 50 adam jumys isteıtin bolsa, portal 50-den astam adam kórsetilgen tizimdi qabyldamaıdy. О́tinish berer kezde óziniń ESQ rastaý qajet bolǵannan keıin kompanııanyń birinshi basshylarynyń derbes jaýapkershiligi qarastyrylǵan. Bul portaldy jasaýdaǵy basty maqsatymyz qala kóshelerinde adam sanyn barynsha azaıtý, - dedi Saparbek Tuıaqbaev.
Sondaı-aq ákim orynbasary portalǵa tirkelý tetigi týraly keńirek áńgimeledi.
– Jalpy álemde koronavırýstyń saldary osyndaı bolady dep eshkim kútken joq, sharalardy barynsha az ýaqyttyń ishinde qabyldaýymyzǵa týra keldi. Karantın men koronavırýs saldarynyń tez aıaqtalmaıtynyn bári jaqsy biledi, qala ekonomıkasyn kezeń-kezeńimen iske qosatyn bolamyz, odan arǵysyn ýaqyt kórsetedi. Sol úshin bizge baılanys jasaýdy jáne qaladaǵy qozǵalysty azaıtý úshin osyndaı portal qajet boldy. Kásiporyn jumysshylary men avtokólik quraldarynyń tizimi portal iske qosylǵan sátten bastap eki kún ishinde – 16 sáýir saǵat 00.00-ge deıin jasalady. Sol ýaqytqa deıin osyǵan deıin berilgen ruqsattardyń qazirgi málimetter bazasynyń sheńberinde kúshi bolady, – dep atap ótti S.Tuıaqbaev.
Almaty qalasy Kásipkerler palatysynyń dırektory Narıman Ábilshaıyqov naqtylaǵandaı, ESQ engizý bireýden artyq adamǵa tizimge ótinish berýde qajet bolady. Al máselen, úı janyndaǵy dúkender úshin mańyzdy jaıt - tek bir adamnyń málimetterin engizgen jaǵdaıda ESQ bekitýdiń qajeti joq.
«Qalada júrip-turý úshin ruqsaty bar-joǵyn bilý úshin JSN engiziledi, al eger ol jeke kásipker bolsa, IBN engizedi. Baǵdarlama algorıtmder negizinde jaldamaly qyzmetkerlerge qalada júrýge bolatyn-bolmaıtynyn ózi anyqtaıdy. Eger múmkin bolsa, ákimdiktiń tizimine sáıkes, kelesideı tereze shyǵady – uıashyqtardy toltyryp bastaý, sonymen birge elektrondy sandyq qoltańba qoıý kerek», – dep habarlady brıfıng barysynda Almaty qalasy Kásipkerler palatasy óńirlik keńesiniń tóraǵasy Maksım Baryshev
ESQ eki bólimnen turady. Birinshisi uıashyqtardy toltyrar aldynda qoıylady, odan keıin qyzmetkerlerdiń málimetteri engiziledi, tek JSN, basqa eshteńe engizýdiń qajeti joq. Odan keıin avtokólikke qatysty málimetter engiziledi, ıaǵnı memlekettik nómir belgisi kerek, avtokóliktiń aty da, markasy da qajet emes. Odan keıin úsh «túrtip qoıý» belgisi turady, qujattardy toltyrý erejelerine sáıkes «kelisemin» degen batyrmany basý qajet. Sodan keıin elektrondy sandyq qoltańbanyń ekinshi bóligin salyp, «Kelisemin» degen batyrmany basý kerek. Osydan keıin barlyq qalyptasqan baza shtabqa túsedi jáne odan ary qaraýǵa jiberiledi.
Maksım Baryshevtiń sózine qaraǵanda, onlaın-platforma bir ýaqytta 30 myńdaı paıdalanýshynyń jumysyn atqara alady, aldaǵy ýaqytta birden 100 myń adamdy testileý qarastyrylyp otyr.
Qorytyndylaı kele, Saparbek Tuıaqbaev jalǵan aqparat berilgen jaǵdaıda kásiporyndardyń alǵashqy basshylary jekeleı jaýapkershilikke, tipti qylmystyq jaýapkershilikke deıin tartylýy múmkin ekendigin eske saldy.
