Qashaǵan ken ornynda munaı óndirý ústimizdegi jylǵy 9 qyrkúıekte bastalady. Bul týraly Kazakhstan Today tilshisi habarlady.
Munyń jaıyn «QazMunaıGaz» Ulttyq kompanııasy basqarmasynyń tóraǵasy Saýat Myńbaev Qazaqstan-Qytaı iskerlik keńesiniń quryltaı otyrysynda aıtty. Onyń sózine qaraǵanda, birinshi munaı óndirý men kommersııalyq munaı óndirýge deıingi aralyq aıǵa jýyq merzimge sozylamaqshy.
Budan buryn Munaı jáne gaz mınıstri Uzaqbaı Qarabalın Atyraý oblysyndaǵy Qashaǵan kenishinde tájirıbelik-óndiristik munaı óndirý jumystarynyń 2013 jylǵy qazan aıynan qalmaı qolǵa alynatynyn málimdegen edi. Kaspııdiń Qazaqstanǵa qarasty shelfindegi Qashaǵan ken ornynan bıyl 1,5 mln. tonnadan 3 mln. tonnaǵa deıin munaı alý josparlanyp otyr.
Qashaǵan – Kaspıı teńiziniń soltústiginde ornalasqan Qazaqstandaǵy asa iri munaı-gaz ken orny. Ol 2000 jylǵy 30 maýsymda ashyldy.
Sáken Maılybaı.
