Aıtýly shabýylshynyń ondaı qurmetke laıyq ekeni daýsyz. 34 jastaǵy Máskeý qalasynyń týmasy 16 jasynda jergilikti «Dınamo» klýbynyń jeıdesin kıdi. Sol komanda sapynda tórt jyl oınady. 2005 jyly Aleksandrǵa UHL-dyń qyraǵy mamndarynyń kózi tústi. Sol kezden beri ol «Vashıngton Kepıtalz» klýbynyń namysyn qorǵaýda. Amerıkaǵa kelgen jyly-aq Ovechkın eń úzdik debıýtantqa tabystalatyn «Kolder Trofı» júldesin ıelendi. Segiz ret eń mergen shabýylshy jáne úsh ret eń qundy oıynshy atandy. UHL-dyń «Juldyzdar matchynda» jeti ret óner kórsetti. 2009 jyly UHL-dyń sońǵy onjyldyǵyndaǵy eń úzdik hokkeıshiler tizimine endi. UHL tarıhyndaǵy 100 dańqty oıynshylar qataryna oryn tepti.
Reseıdiń quramasyna 17 jasynda qabyldanǵan Aleksandr Ovechkın aıtýly memlekettiń namysyn qorǵaǵan jáne gol soqqan eń jas hokkeıshi retinde tarıhta qaldy. Ulttyq komananyń sapynda ol úsh dúrkin álem chempıony, eki dúrkin kúmis jáne tórt dúrkin qola júldeger atandy.
