Aýdan ortalyǵyna jetkizetin aspaly kópir, Qazaly qalasynan keletin joldar, kenttiń shyǵys betindegi temirjol ótkeli tolyǵymen jabylady.
Turǵyndardyń qaýipsizdigin saqtaý maqsatynda aýdan ortalyǵyndaǵy Áıteke bı kóshesiniń M.Shoqaı men Tóle bı kósheleriniń aralyǵyna da tosqaýyl qoıylady. Aýdandyq polısııa bólimshesi qyzmetkerleri kóshede eshqandaı sebepsiz júrgen jaıaý júrginshiler men avtokólik ıelerine ákimshilik hattamalar toltyryp, aýdandyq sotqa joldaıdy.
Aıta keteıik, 14 sáýir kúni oblystyq bas memlekettik sanıtarlyq dárigeriniń №9 qaýlysy shyqqan bolatyn. Qaýlyǵa sáıkes Qyzylorda qalasy men aýdandarda azamattardyń jáne kólikterdiń barlyq túrleriniń (azyq-túlik taýarlaryn, dárilik zattardy, medısınalyq taýarlardy tasymaldaıtyn kólikterdi, óndiristik jáne aýyl sharýashylyǵy salalarynda halyqtyń turmys tirshiligin qamtamasyz etetin qyzmet kórsetýlerdi, sonymen qatar jergilikti atqarýshy organdarmen bekitilgen tizbeni qospaǵanda) kirýine jáne shyǵýyna tyıym salyndy.
